ନିର୍ବାଚନ ରଣାଙ୍ଗନରେ ନିଆରା ପ୍ରାର୍ଥୀ । କୋରାପୁଟ ସାଂସଦ ପ୍ରାର୍ଥୀ ପ୍ରମିଳା ପୂଜାରୀ, କଟକରୁ ମୀନତି ପଟ୍ଟନାୟକ ଓ ରାଉରକେଲାରୁ ଅବସରପ୍ରାପ୍ତ ଯବାନ
କନକ ବ୍ୟୁରୋ : ଖଟିଲେ ଖାଉଥିବା ମଣିଷ ହିଁ ବୁଝି ପାରିବ ଗରିବ ମଣିଷଙ୍କ ପ୍ରକୃତ ଦୁଃଖ । ସେହି ଆଶା ନେଇ ୨୪ ସିଂହାସନ ଲଢେଇରେ ଯୋଦ୍ଧା ସାଜି ନିର୍ବାଚନୀ ରଣକ୍ଷେତ୍ରକୁ ଓହ୍ଲାଇଛନ୍ତି କୋରାପୁଟ ବୈପାରୀଗୁଡାର ଏସୟୁସିଆଇ ସମର୍ଥିତ ଲୋକସଭା ପ୍ରାର୍ଥୀ ପ୍ରମିଳା ପୂଜାରୀ । ୨୦୧୬ ମସିହାରୁ ଏଆଇଡିଏସଓ ଛାତ୍ର ସଂଗଠନ ସହ ଜଡିତ ଅଛନ୍ତି । ନିର୍ବାଚନ ହାରଜିତ୍ କୌଣସି ପ୍ରଭାବ ପକାଇବ ନାହିଁ, ଶିକ୍ଷା, ସ୍ୱାସ୍ଥ୍ୟ ଏବଂ ମହିଳାମାନଙ୍କ ପାଇଁ ଲଢେଇ ଜାରି ରହିବ ବୋଲି କହିଛନ୍ତି ପ୍ରମିଳା ।
Kanak News is now on WhatsApp
Join and get latest news updates delivered to you via WhatsApp
ଜୀବନରେ ଅନେକ ପ୍ରକାର ସମସ୍ୟା ସହ ଯୁଦ୍ଧ କରିଥିବା ଏହି ମହିଳା ଜଣଙ୍କ ଏବେ ନିର୍ବାଚନ ରଣାଙ୍ଗନରେ ଅବତିର୍ଣ୍ଣ । କଟକ ସୂତାହାଟ ଅଂଚଳର ମିନତୀ ପଟ୍ଟନାୟକ । ସ୍ୱାମୀ ଓ ଝିଅଙ୍କ ଦେହାନ୍ତ ପରେ ରିକ୍ସା ବାଲାଙ୍କୁ ନିଜର ସବୁ ସମ୍ପତି ଦାନ କରି ଚର୍ଚ୍ଚାକୁ ଆସିଥିଲେ, ଏବେ ଜନସେବା କରିବା ଉଦେଶ୍ୟରେ ନିର୍ବାଚନ ମଇଦାନକୁ ଓହ୍ଲାଇଛନ୍ତି । କଟକରୁ ଆଂଚଳିକ ଦଳ ସଂମୃଦ୍ଧ ଓଡିଶାର ସାଂସଦ ପ୍ରାର୍ଥୀ ଭାବେ ନାମାଙ୍କନ ଭରିଛନ୍ତି ।
ସୀମାରେ ଜାଗ୍ରତ ପ୍ରହରି ସାଜି ଦେଶକୁ ସୁରକ୍ଷା ଦେଉଥିବା ଅବସରପ୍ରାପ୍ତ ଯବାନ ବିଧାୟକ ପ୍ରାର୍ଥୀ ହୋଇଛନ୍ତି । ରାଉରକେଲା ବିଧାନସଭା ନିର୍ବାଚନ ମଣ୍ଡଳିରୁ ନିର୍ବାଚନ ଲଢିବାକୁ ଆଗେଇ ଆସିଛନ୍ତି ଇଂଜିନିୟର ନିର୍ମଳ ଦାସ । ନିଜ ପରିବାରକୁ ସାଥିରେ ଧରି ନାମାଙ୍କନ ଭରିଛନ୍ତି । ଭାରତୀୟ ଯବାନ କିଷାନ ପାର୍ଟିର ସମର୍ଥନରେ ନିର୍ବାଚନ ଯୁଦ୍ଧ ଜିତିବାର ଆଶା ରଖିଛନ୍ତି ଯବାନ ।