କନକ ବ୍ୟୁରୋ: ଏପ୍ରିଲ ମାସରେ ରେକର୍ଡ ଭଙ୍ଗା ତାତି, ଜନଜୀବନକୁ ଅସ୍ତବ୍ୟସ୍ତ କରି ଦେଇଥିବା ବେଳେ ସାମନାକୁ ଆସିଛି ନାସାର ଚିତ୍ର । ଗୋଟିଏ ପଟେ ଦେଶର ବିଭିନ୍ନ ଅଞ୍ଚଳରେ ଆକାଶରୁ ନିଆଁ ବର୍ଷା ହେଉଥିବା ବେଳେ ଅନ୍ୟପଟେ ଜଳୁଛି ଜଙ୍ଗଲ । ନାସାର ଫାୟାର ଇନଫରମେସନ୍ ଫର୍ ରିସୋର୍ସ ମ୍ୟାନେଜମେଣ୍ଟ ସିଷ୍ଟମ ବା ଫାର୍ମସର ଏହି ଚିତ୍ର ଦର୍ଶାଉଛି, କେତେ ଭୟଙ୍କର ଭାବେ ଲାଗିିଛି ନିଆଁ ।
Kanak News is now on WhatsApp
Join and get latest news updates delivered to you via WhatsApp
ଗତ ୨୪ ଘଣ୍ଟା ମଧ୍ୟରେ ସାଟେଲାଇଟ୍ ଦ୍ୱାରା ଉତ୍ତୋଳିତ ଚିତ୍ରରେ ନିଆଁ ଜଳୁଛି କିମ୍ବା ଘନ ଗରମ ଧୂଆଁରେ ଅନେକ ଅଞ୍ଚଳ ଆଚ୍ଛନ୍ନ ହୋଇଯାଇଥିବା ଦେଖିବାକୁ ମିଳୁଛି । ଉତ୍ତରରୁ ଦକ୍ଷିଣ, ପୂର୍ବରୁ ଅଭ୍ୟନ୍ତର ଭାରତର ବିଭିନ୍ନ ଅଞ୍ଚଳରେ ଅତି ସାଂଘାତିକ ହୋଇଛି ସ୍ଥିତି ।
ଅନ୍ୟପଟେ ଓଡ଼ିଶାର ସ୍ଥିତି ମଧ୍ୟ ସଂଗୀନ ରହିଛି । ରାଜ୍ୟର ବିଭିନ୍ନ ସ୍ଥାନରେ ଜଙ୍ଗଲ ଜଳୁଥିବାର ଚିତ୍ର ସାମନାକୁ ଆସିଛି । ନାସାର ଫଟୋ କହୁଛି, ଆଭ୍ୟନ୍ତରୀଣ ଓଡ଼ିଶାର ସ୍ଥିତି ଅଧିକ ଗମ୍ଭୀର ହେଉଛି । ପ୍ରବଳ ଗ୍ରୀଷ୍ମ ପ୍ରବାହ ସାଙ୍ଗକୁ ଜଙ୍ଗଲର ନିଆଁ ପରିସ୍ଥିତିକୁ ଆହୁରି ଜଟିଳ କରିଛି ।
ସୂଚନାଯୋଗ୍ୟ ଯେ, ତାପମାତ୍ରା ବଢ଼ୁଥିବା ବେଳେ ଜଙ୍ଗଲ ନିଆଁରେ ସାରା ଦେଶ ସନ୍ତୁଳି ହେଉଛି । ତେବେ ମେ’ ପ୍ରଥମ ସପ୍ତାହରେ କାଳବୈଶାଖୀ ଓ ଆଣ୍ଡାମାନ ସାଗରରେ ସୃଷ୍ଟି ହେବାକୁ ଥିବା ଲଘୁଚାପ କ୍ଷେତ୍ର ଆଶ୍ୱସ୍ତି ଆଣିବ ବୋଲି ଆଶା କରାଯାଉଛି ।