ଆମେରିକାରେ ରେକର୍ଡ ଭାଙ୍ଗିଛି ଥଣ୍ଡା :ତାପମାତ୍ରା -୪୫ ଡିଗ୍ରୀ । ଗଲାଣି ୧୮ ଜୀବନ ,୨୦କୋଟି ଲୋକ ପ୍ରଭାବିତ
କନକ ବ୍ୟୁରୋ: ଆମେରିକାରେ ବରଫ ଝଡ଼ ଯୋଗୁ ସବୁ ରେକର୍ଡ ଭାଙ୍ଗିଛି ଥଣ୍ଡା । ପ୍ରାୟ ୨୦ କୋଟି ଲୋକ ଝଡ଼ ଦ୍ୱାରା ପ୍ରଭାବିତ ହୋଇଛନ୍ତି । ମୋଂଟାନାରେ ସର୍ବନିମ୍ନ ତାପମାତ୍ରା ମାଇନସ୍ ୪୫ ଡିଗ୍ରୀ ରେକର୍ଡ କରାଯାଇଛି । ବରଫ ଝଡ଼ ଯୋଗୁ ୧୮ ଜଣଙ୍କ ଜୀବନ ଗଲାଣି । ୧୫ ଲକ୍ଷ ଲୋକଙ୍କ ଘରେ ବିଦ୍ୟୁତ୍ ସଂଯୋଗ ବିଚ୍ଛନ୍ନ ହୋଇଛି । ଫଳରେ ସ୍ଥିତି ଆହୁରି ଗମ୍ଭୀର ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଆମେରିକାରେ ଏପରି ଭୟଙ୍କର ଥଣ୍ଡା ଯେ ,ସେକେଣ୍ଡରେ ପାଣି ବରଫ ପାଲଟି ଯାଉଛି । ରାସ୍ତା, ରେଳ ଧାରଣା, ଘରଦ୍ୱାର ସବୁଠି ବରଫ ଗଦା ହୋଇଛି । ଆମେରିକାରୁ କାନାଡାର କ୍ୟୁବେକ୍ ପ୍ରାୟ ୩୨ ଶହ କିଲୋମିଟର ପର୍ଯ୍ୟନ୍ତ ଏହି ଝଡ଼ ତାଣ୍ଡବ ରଚିଛି । ଆମେରିକା ରାଷ୍ଟ୍ରପତି ଜୋ ବାଇଡେନ୍ ଏନେଇ ଦେଶବାସୀଙ୍କୁ ସତର୍କ କରାଇଛନ୍ତି । ଏପରି ବଡ଼ ବିପଦ ନେଇ ବାଇଡେନ୍ ଅଧିକାରୀଙ୍କ ସହ ଆଲୋଚନା କରିଛନ୍ତି । ବରଫ ଝଡ଼ ଯୋଗୁ ପ୍ରାୟ ୧୦ ହଜାର ବିମାନ ବାତିଲ କିମ୍ବା ବିଳମ୍ବ ହୋଇଛି । ଫଳରେ ବିମାନ ବନ୍ଦରରେ ଲୋକଙ୍କ ଭିଡ଼ ବଢୁଛି । ରାସ୍ତାରେ ବରଫ ଜମା ହୋଇଥିବାରୁ ଯିବାଆସିବା କରିବାରେ ମଧ୍ୟ ଅସୁବିଧା ହେଉଛି ।