ଆଫଗାନିସ୍ତାନ ଗୁଜରଗାହ ମସଜିଦରେ ଭୟଙ୍କର ବିସ୍ଫୋରଣ, ଇମାମ୍ ସମେତ ୧୫ ମୃତ
କନକ ବ୍ୟୁରୋ : ଆଫଗାନିସ୍ତାନ ଗୁଜରଗାହ ମସଜିଦରେ ଭୟଙ୍କର ବିସ୍ଫୋରଣ ହୋଇଛି । ଏଭଳି ବିସ୍ଫୋରଣ ଫଳରେ ମସଜିଦର ଇମାମ ସମେତ ୧୫ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । କୁହାଯାଉଛି କି ମସଜିଦରେ ନମାଜ ପାଠ ଚାଲିଥିବା ବେଳେ ହଠାତ ଏଭଳି ବିସ୍ଫୋରଣ ହୋଇଥିଲା । ଏନେଇ ହେରାତ ରାଜ୍ୟପାଳଙ୍କ ପ୍ରବକ୍ତା କହିଛନ୍ତି କି ଆତ୍ମଘାତି ଆକ୍ରମଣ ଫଳରେ ଏଭଳି ବିସ୍ଫୋରଣ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ବିସ୍ଫୋରଣ ଫଳରେ ତାଲିବାନର ସବୁଠାରୁ ବଡ ଧର୍ମଗୁରୁଙ୍କ ମଧ୍ୟରୁ ଜଣେ ମୁଲ୍ଲା ମୁଜୀବ ଓ ରହମାନ ଆନ୍ସ।।ରୀଙ୍କ ଘଟଣା ସ୍ଥଳରେ ମୃତ୍ୟୁ ହୋଇଛି । ସେପଟେ ଗତମାସ ବି ଏଭଳି ବିସ୍ଫୋରଣ ଫଳରେ ତାଲିବାନର ଜଣେ ବଡ ନେତାଙ୍କର ମୃତ୍ୟୁ ହୋଇଥିଲା । ଅନୁମାନ କରାଯାଇଛି କି, ଏହି ବିସ୍ଫୋରଣ ପଛରେ ଆଇଏସଆଇଏସର ଖୁରସାନ ଗ୍ରୁପର ହାତ ରହିଛି । ହେଲେ ତାଲିବାନ ପକ୍ଷରୁ ଏପର୍ଯ୍ୟନ୍ତ ଏନେଇ କୌଣସି ସୂଚନା ଦିଆଯାଇ ନାହିଁ । ଆଫଗାନିସ୍ତାନ ଗଣମାଧ୍ୟମ ଟୁଲୁ ନ୍ୟୁଜ ମୁତାବକ ଗାଜାଘର ନିକଟରେ ଥିବା ଏହି ମସଜିଦରେ ୨ ଟି ବିସ୍ଫୋରଣ ହୋଇଛି ।
A blast occurred in Guzargah mosque in Herat province and Mawlawi Mujeeb Rahman Ansari, the imam of the mosque, was killed. There have been no official statements yet, reports TOLO News quoting local sources
— ANI (@ANI) September 2, 2022
ସେପଟେ ମୁଜିବ ତାଲିବାନ ନେତାଙ୍କ ମଧ୍ୟରୁ ସବୁଠାରୁ ନିଷ୍ଠୁର ନେତା ଭାବେ ଗଣନା କରାଯାଏ । ସେ ମହିଳା ଶିକ୍ଷା ଓ ମହିଳାମାନେ ଘରୁ ବାହାରକୁ ବାହାରିବାକୁ ଦୃଢ ବିରୋଧ କରୁଥିଲେ । ଦୁଇମାସ ପୂର୍ବରୁ ସେ ଏକ ଫତୱା ଜାରି କରି କହିଥିଲେ କି ଯଦି ତାଲିବାନ ଶାସନକୁ କେହି ବିରୋଧ କରେ ଓ ସରକାରଙ୍କ ନିର୍ଦ୍ଦେଶକୁ ଅବମାନନା କରେ ତେବେ ତାର ମୁଣ୍ଡ କଟାଯିବ ।