ସୁନୀଲ ବଂଶଲ ହେଲେ ରାଜ୍ୟ ବିଜେପି ପ୍ରଭାରୀ: ତେଲେଙ୍ଗାନା, ପଶ୍ଚିମବଙ୍ଗ ସହ ସାମ୍ଭାଳିବେ ଓଡିଶା ଦାୟିତ୍ୱ
କନକ ବ୍ୟୁରୋ: ସୁନୀଲ ବଂଶଲ ହେଲେ ରାଜ୍ୟ ବିଜେପି ପ୍ରଭାରୀ । ତେଲେଙ୍ଗାନା, ପଶ୍ଚିମବଙ୍ଗ ସହ ଓଡିଶା ଦାୟିତ୍ୱ ସାମ୍ଭାଳିବେ । ଅମିତ ଶାହାଙ୍କ ଓଡିଶା ଗସ୍ତ ପରେ ନୂଆ ପ୍ରଭାରୀ ନିଯୁକ୍ତ ହୋଇଛନ୍ତି । ଏନେଇ ବିଜେପି ମୁଖ୍ୟାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ପୂର୍ବରୁ ଡି ପୁରେନ୍ଦେଶ୍ୱରୀ ରାଜ୍ୟ ପ୍ରଭାରୀ ଦାୟିତ୍ୱରେ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ଉତ୍ତର ପ୍ରଦେଶ ବିଜେପିର ମହାମନ୍ତ୍ରୀ ଥିବା ସୁନିଲ ବଂଶଲକୁ ପଦୋନ୍ନତି ଦିଆଯାଇ ତାଙ୍କୁ ଦଳର ରାଷ୍ଟ୍ରୀୟ ମହାମନ୍ତ୍ରୀ କରାଯାଇଛି । ସେହିଭଳି ଝାଡଖଣ୍ଡର ବିଜେପି ପ୍ରଦେଶ ମହାମନ୍ତ୍ରୀ ଥିବା ଧର୍ମପାଲ ସିଂଙ୍କୁ ଉତ୍ତର ପ୍ରଦେଶ ବିଜେପିର ମହାମନ୍ତ୍ରୀ ଭାବେ ନିଯୁକ୍ତି ଦିଆଯାଇଛି ।
ସେପଟେ ସୁନୀଲ ବଂଶଲ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ନିକଟତର ବୋଲି କୁହାଯାଉଛି । ସେ ୟୁପି ଦାୟୀତ୍ୱରେ ଥିବା ବେଳେ ୨୦୧୯ ସାଧାରଣ ନିର୍ବାଚନରେ ଉତ୍ତର ପ୍ରଦେଶରୁ ୭୩ ସାଂସଦ ବିଜୟୀ କରାଇ ଏକ ଉଦାହରଣ ସୃଷ୍ଟି କରିଥିଲେ । ଏହାପରେ ୟୁପି ବିଧାନସଭା ନିର୍ବାଚନ ୨୦୧୭ରେ ପାଖାପାଖି ୧୪ ବର୍ଷ ପରେ ଦଳକୁ କ୍ଷମତାକୁ ଫେରାଇବାରେ ସୁନୀଲ ବଂଶଲଙ୍କ ବଡ ଯୋଗଦାନ ରହିଥିବା କଥା ସେତେବେଳେ କୁହାଯାଇଥିଲା । ଏହାସହ ୨୦୨୨ ଉତ୍ତର ପ୍ରଦେଶ ବିଧାନସଭା ନିର୍ବାଚନରେ ଦଳ ୩୫ ବର୍ଷର ରେକର୍ଡ ଭାଙ୍ଗିବା ଭଳି ପ୍ରଦର୍ଶନରେ ବି ସୁନୀଲ ବଂଶଲଙ୍କ ଭାଗିଦାରୀ ଥିବା କଥା ଦଳ କହିଥିଲା ।