ଆଇପିଏଲକୁ ନେଇ ଷ୍ଟାର୍କ ଦେଲେ ବଡ ବୟାନ । ପ୍ରଶଂସା କଲେ ଭାରତୀୟ କ୍ରିକେଟ ଫ୍ୟାନ୍ ।
କନକ ବ୍ୟୁରୋ : ବିଶ୍ୱ ଟେଷ୍ଟ ଚାମ୍ପିୟନସିପର ଫାଇନାଲ ମୁକାବିଲାରେ ବାଜିମାତ କରିଛି ଅଷ୍ଟ୍ରେଲିଆ ଟିମ୍ । କମିନ୍ସଙ୍କ ନେତୃତ୍ୱରେ ଟିମ୍ ଇଣ୍ଡିଆକୁ ୨୦୯ ରନରେ ମାତ୍ ଦେଇ ଟାଇଟଲ ଜିତିଛି କଙ୍ଗାରୁ ଟିମ୍ । ଅଷ୍ଟ୍ରେଲିଆର ଏହି ବିଜୟରେ ଦ୍ରୁତ ବୋଲର ମିସେଲ ଷ୍ଟାର୍କଙ୍କର ବଡ ଭୂମିକା ରହିଥିଲା । ବିଶ୍ୱ ଟେଷ୍ଟ ଚାମ୍ପିୟନସିପରେ ବିଜୟ ପରେ ଷ୍ଟାର୍କଙ୍କର ବୟାନ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଏପରିକି ଅଧିକାଂଶ ଭାରତୀୟ କ୍ରିକେଟପ୍ରେମୀ ମଧ୍ୟ ଷ୍ଟାର୍କଙ୍କର ଏଭଳି ବୟାନକୁ ପ୍ରଶଂସା କରିବା ସହ ଭାରତୀୟ କ୍ରିକେଟର ତାଙ୍କ ଠାରୁ ଶିଖିବା ଆବଶ୍ୟକ ବୋଲି କହିଛନ୍ତି । ତେବେ ମିସେଲ ଷ୍ଟାର୍କ ଏମିତି କଣ କହିଛନ୍ତି ଯାହାକୁ ନେଇ ଏତେ ଚର୍ଚ୍ଚା ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱ ଟେଷ୍ଟ ଚାମ୍ପିୟନସିପରେ ବିଜୟୀ ହେବା ପରେ ଷ୍ଟାର୍କ ଏକ ଗଣମାଧ୍ୟମକୁ ସାକ୍ଷାତକାର ଦେଇ କହିଛନ୍ତି, ଆଇପିଏଲ ଭଳି ଲିଗରେ ଖେଳିବାର ମଜା ଉଠାଇଛି । ୧୦ ବର୍ଷ ଧରି ୟର୍କସାୟର ପକ୍ଷରୁ ଖେଳି ଏହାର ଆନନ୍ଦ ନେଇଛି । କିନ୍ତୁ ଅଷ୍ଟ୍ରେଲିଆ ମୋ ପାଇଁ ସବୁବେଳେ ଶୀର୍ଷରେ ରହିବ । ଆଉ ଏଥିପାଇଁ ମୋର ଟିକିଏ ବି ପଶ୍ଚାତାପ ନାହିଁ । ଟଙ୍କା ଆସିବ ଏବଂ ଯିବ । କିନ୍ତୁ ଏବେ ଯେଉଁ ଅବସର ମୋତେ ମିଳିଛି ସେଥିପାଇଁ ବହୁତ ଖୁସି । ୧୦୦ ବର୍ଷର ଟେଷ୍ଟ କ୍ରିକେଟରେ ୫୦୦ରୁ କମ ଖେଳାଳୀ ଅଷ୍ଟ୍ରେଲିଆ ପାଇଁ ଖେଳିଛନ୍ତି । ତେଣୁ ଏହି ଫର୍ମାଟରେ ଖେଳିବା ମୋ ପାଇଁ ସ୍ୱତନ୍ତ୍ର ବୋଲି କହିଛନ୍ତି ଷ୍ଟାର୍କ ।
କେବଳ ଏତିକି ନୁହେଁ ଷ୍ଟାର୍କ କହିଛନ୍ତି, ନୂଆ ପିଢୀର ପିଲା ଟେଷ୍ଟ କ୍ରିକେଟରେ ଦେଶର ପ୍ରତିନିଧିତ୍ୱ କରିବାକୁ ପ୍ରୟାସ କରିବା ଉଚିତ । ଫ୍ରାଞ୍ଚାଇଜ କ୍ରିକେଟରେ ଟଙ୍କା ରୋଜଗାର କରିବା ସହଜ କିନ୍ତୁ ଏହା ବଦନାମର ଫାଷ୍ଟଟ୍ରାକ ଫର୍ମାଟ । ମୁଁ ପୁଣିଥରେ ଆଇପିଏଲ ଖେଳିବାକୁ ପସନ୍ଦ କରିବି । କିନ୍ତୁ ଦୀର୍ଘ ସମୟ ହେବ ଅଷ୍ଟ୍ରେଲିଆ ପାଇଁ ସର୍ବଶ୍ରେଷ୍ଠ ପ୍ରଦର୍ଶନ କରିବା ମୋର ଲକ୍ଷ୍ୟ ରହିଛି । ଏହା ଯେକୌଣସି ଫର୍ମାଟ ହେଉ ନା କାହିଁକି? ଫ୍ରାଞ୍ଚାଇଜ କ୍ରିକେଟ ଅପେକ୍ଷା ଜାତୀୟ ଦଳରେ ଖେଳିବାକୁ ଷ୍ଟାର୍କ ଯେଉଁ ନିଷ୍ଠା ଦେଖାଇଛନ୍ତି ତାହା ଅନେକ କ୍ରିକେଟପ୍ରେମୀଙ୍କୁ ପସନ୍ଦ ଆସିଛି । ସୋସିଆଲ ମିଡ଼ିଆରେ ଏଥିପାଇଁ ଷ୍ଟାର୍କଙ୍କୁ ଉଚ୍ଚପ୍ରଶଂସା କରିଛନ୍ତି ଭାରତୀୟ କ୍ରିକେଟପ୍ରେମୀ । ଜାତୀୟ ଦଳ ପାଇଁ ଖେଳିବାକୁ ଷ୍ଟାର୍କ ଯେପରି ଆଇପିଏଲର ତ୍ୟାଗ କରିଛନ୍ତି, ଭାରତୀୟ ଖେଳାଳୀ ମଧ୍ୟ ତାଙ୍କ ଠାରୁ ଶିଖିବା ସହ ଆଇପିଏଲ ଅପେକ୍ଷା ଜାତୀୟ ଦଳ ପାଇଁ ଖେଳିବାକୁ ଅଧିକ ଆଗ୍ରହ ଓ ନିଷ୍ଠା ଦେଖାଇବା ଆବଶ୍ୟକ ବୋଲି କହିଛନ୍ତି କ୍ରିକେଟ ଫ୍ୟାନ୍ସ ।
Mitchell Starc said, “I’d love to play in the IPL again, but my goal for a long time has been to be at my best for Australia, no matter the format”. (To The Guardian). pic.twitter.com/r1QxqOjn43
— Mufaddal Vohra (@mufaddal_vohra) June 12, 2023
ଅଷ୍ଟ୍ରେଲୀୟ କ୍ରିକେଟର ମିସେଲ ଷ୍ଟାର୍କ ଜାତୀୟ ଦଳ ପାଇଁ ଫିଟ୍ ରହିବାକୁ ଦୀର୍ଘ ବର୍ଷ ହେବ ଆଇପିଏଲରୁ ଦୂରେଇ ରହିଛନ୍ତି । ଷ୍ଟାର୍କ ଏହାପୂର୍ବରୁ କେବଳ ୨ଟି ଆଇପିଏଲ ସିଜିନରେ ଆରସିବି ପକ୍ଷରୁ ଖେଳିଛନ୍ତି । ଆଇପିଏଲରେ ଷ୍ଟାର୍କଙ୍କର ପ୍ରଦର୍ଶନ ମଧ୍ୟ ବେଶ ଭଲ ରହିଛି । ଏହାସତ୍ତେ୍ୱ ମଧ୍ୟ ଷ୍ଟାର୍କ ଆଇପିଏଲ ଭଳି ଅର୍ଥବହୁଳ ଫ୍ରାଞ୍ଚାଇଜ ଟୁର୍ଣ୍ଣାମେଣ୍ଟ ଛାଡି କେବଳ ଅଷ୍ଟ୍ରେଲିଆ ପାଇଁ ଖେଳିବାକୁ ନିଷ୍ପତ୍ତି ନେଇଥିଲେ । ଏପରିକି ଅଷ୍ଟ୍ରେଲିଆ ପାଇଁ ୧୦୦ଟି ଟେଷ୍ଟ ମ୍ୟାଚ୍ ଖେଳିବାକୁ ଲକ୍ଷ୍ୟ ରଖିଛନ୍ତି ମିସେଲ ଷ୍ଟାର୍କ ।