କନକ ବ୍ୟୁରୋ: ପେଗମ୍ବର ମହମ୍ମଦଙ୍କ ଉପରେ ବିବାଦୀୟ ବୟାନକୁ ନେଇ ବିବାଦ ପଡିଚାଲିଛି । ପ୍ରୟାଗରାଜ ଜିଲ୍ଲା ପ୍ରଶାସନର ବ୍ୟାପକ ପ୍ରସ୍ତୁତି ପରେ ବି ବିଭିନ୍ନ ସ୍ଥାନରେ ନମାଜ ପରେ ପ୍ରଦର୍ଶନ ହୋଇଛି । ପ୍ରୟାଗରାଜ, କାନପୁରରେ ଜୁମାରେ ନମାଜ ପରେ ପୋଲିସ ଉପରେ ପଥର ମାଡର ଚିତ୍ର ସାମ୍ନାକୁ ଆସିଛି । ନୂପୁର ଶର୍ମାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ବିକ୍ଷୋଭ ପ୍ରଦର୍ଶନ ଜାରି ରହିଛି । ପୋଲିସ ତମାମ ପ୍ରୟାସ ପରେ ବି ପ୍ରଦର୍ଶନକାରୀ ନାରାଲଗାଇବା ସହିତ ପଥରମାଡ କରିଥିଲେ । ଲୋକେ ଛାତରୁ ପଥରମାଡ କରୁଥିବାର ଚିତ୍ର ମଧ୍ୟ ଦେଖିବାକୁ ମିଳିଛି । ପଥର ମାଡର ଜବାବ ଦେବାକୁ ଯାଇ ଆରଏଏଫ ଏବଂ ପିଏସସି ପକ୍ଷରୁ ଲାଠିଚାର୍ଜ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
Uttar Pradesh | Clash erupted in Prayagaraj between police and protesters over controversial remarks of suspended BJP leader Nupur Sharma and expelled BJP leader Naveen Kumar Jindal. pic.twitter.com/erygLErc8d
— ANI UP/Uttarakhand (@ANINewsUP) June 10, 2022
କରୋଲି ଥାନା ଅଟାଲା ଅଞ୍ଚଳରେ ପରିସ୍ଥିତିକୁ ଆଖିରେ ରଖି ବ୍ୟାପକ ପୋଲିସ ମୁତୟନ ହୋଇଥିଲେ । ତେବେ ପ୍ରଦର୍ଶନକାରୀ ନମାଜ ଶେଷ ହେବା ପରେ ନାରାବାଜି କରିଥିଲେ । ସେମାନଙ୍କ ଦାବି ରହିଥିଲା ଯେ, ନୂପୁର ଶର୍ମାଙ୍କୁ ଫାଶୀ ଦିଆଯାଉ । ସ୍ଥାନୀୟ ଡିଏମ ଏବଂ ଏଏସପି ଘଟଣାସ୍ଥଳରେ ଲୋକଙ୍କୁ ବୁଝାଇବା ପାଇଁ ଉଦ୍ୟମ କରିଥିଲେ କିନ୍ତୁ ଏହା ବିଫଳ ହୋଇଥିଲା ।
ବର୍ତ୍ତମାନ ସ୍ଥିତିରେ କିଛି ସମୟ ଅନ୍ତରାଳରେ ପଥରମାଡ ହେଉଛି । ପ୍ରଦର୍ଶନକାରୀ ପୋଲିସ ଉପରେ ଭାରିପଡିଛନ୍ତି । ଏହାକୁ ଦେଖି ପୋଲିସବାହିନୀ ପଛକୁ ହଟିଥିଲେ । ପୋଲିସ ଅନ୍ୟବାଟ ନପାଇ ଲୁହବୁହା ଗ୍ୟାସ ମଧ୍ୟ ଲୋକଙ୍କ ଉପରେ ପ୍ରୟୋଗ କରିଛି । ସ୍ଥ୍ିତି ଉତ୍ତେଜନା ପୂର୍ଣ୍ଣଥିବା ବେଳେ ଆନ୍ଦୋଳନକାରୀ ଆଗକୁ ବଢିବାରେ ଲାଗିଛନ୍ତି ।