କନକ ବ୍ୟୁରୋ : କୋଲକତାରେ ଥିବା ବାଂଲାଦେଶ ହାଇକମିଶନଙ୍କ କାର୍ଯ୍ୟାଳୟ ଆଗରେ ଦେଖିବାକୁ ମିଳିଛି ଅଜବ ଦୃଶ୍ୟ । ଏଠାରେ ସୁରକ୍ଷା ଦାୟୀତ୍ୱରେ ଥିବା ଜଣେ ପୋଲିସ କର୍ମୀ ମୋଟର ସାଇକେଲରେ ଆସୁଥିବା ଜଣେ ମହିଳାଙ୍କୁ ଗୁଳି କରି ହତ୍ୟା କରିଛନ୍ତି । ଏହାସହ ଉକ୍ତ ପୋଲିସ କର୍ମୀଙ୍କ ଗୁଳିରେ ଅନ୍ୟ କେତେ ଜଣ ଆହତ ବି ହୋଇଛନ୍ତି । ଏସବୁ ପରେ ଗୁଳି ଚଳାଇଥିବା ପୋଲିସ କର୍ମୀ ଜଣଙ୍କ ନିଜକୁ ଗୁଳି କରି ଆତ୍ମହତ୍ୟା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୃତ ମହିଳା ଜଣଙ୍କ ସେହି ରାସ୍ତା ଦେଇ ଯାଉଥିବା ବେଳେ ତାଙ୍କ ଉପରେ ଗୁଳି ବାଜିବାରୁ ସେ ମୃତ୍ୟୁବରଣ କରିଛନ୍ତି । ସୂଚନା ପାଇବା ପରେ ପୋଲିସ ଟିମ୍ ସେଠାରେ ପହଂଚି ଆହତ ମାନଙ୍କୁ ମେଡିକାଲ ପଠାଇଛନ୍ତି । କୁହାଯାଉଛି କି ଗୁଳି ଚଳାଇଥିବା ପୋଲିସ କର୍ମୀ ଜଣଙ୍କ ସେହି ସ୍ଥାନରେ ୧ ଘଂଟା ଆଗରୁ ବୁଲୁଥିବାର ସ୍ଥାନୀୟ ଲୋକମାନେ ଦେଖିଛନ୍ତି ।
West Bengal | A woman biker died after one Police personnel fired bullets outside Bangladesh Deputy High Commission in Kolkata. The Police personnel then shot himself dead. Senior Police officials are present at the spot. Further details awaited. pic.twitter.com/6hLdV4LHBl
— ANI (@ANI) June 10, 2022
ଘଟଣା ପରେ ପୋଲିସ ଯାଂଚ ଆରମ୍ଭ କରିଛି । ସେପଟେ ଘଟଣା ବାବଦରେ ସୂଚନା ପାଇବା ପରେ ଗୃହମନ୍ତ୍ରଣାଳୟ ପଶ୍ଚିମବଙ୍ଗ ସରକାରଙ୍କୁ ରିପୋର୍ଟ ପାଇଁ ନୋଟିସ କରିଛି ।