କନକ ବ୍ୟୁରୋ: ପିଲାଚୋରି ଅଭିଯୋଗରେ ଯୁବକଙ୍କୁ ଧରି ନିର୍ଧୁମ ଛେଚି ପୁଲିସରେ ଜିମା ଦେଲେ ଲୋକେ । ଏଭଳି ଘଟଣା ଘଟିଛି ବାଲିପାଟଣା ଥାନା ବନମାଳିପୁର ଗାଁରେ । ଖବର ଅନୁସାରେ, ଆଜି ଦିନ ପ୍ରାୟ ୧୨ଟାରେ ଗାଁର ଦୀପକ ଦାସ ସାଇକେଲ ଚଳାଉଥିଲେ । ଏହି ସମୟରେ ବାଲିଅନ୍ତ ଥାନା ସାରକଣା ଗାଁର ଶରତ ବେହେରା ବନମାଳିପୁର ଗାଁକୁ ମନ୍ଦିର ନିର୍ମାଣ ପାଇଁ ଭିକ୍ଷା ଆଦାୟ କରିବାକୁ ଆସିଥିଲେ । ସେ ଦୀପକଙ୍କୁ ଚକଲେଟ ଦେବାକୁ କହି ନେଇଯାଇଥିଲେ । ଏହି ସମୟରେ ଦୀପକ କାନ୍ଦିଥିଲେ । ଗାଁ ଲୋକେ ଏହା ଜାଣିବା ପରେ ଗାଁଲୋକଙ୍କୁ କହିଥିଲେ । ଗାଁ ଲୋକେ ଶରତ ବେହେରାଙ୍କୁ କାବୁ କରି ମନ୍ଦିରରେ ଅଟକ ରଖିଥିଲେ । ପରେ ପୁଲିସ ପଂହଚି ଲୋକଙ୍କ କବଳରୁ ଶରତଙ୍କୁ ଉଦ୍ଧାର କରିଛି । ବାଲିପାଟଣା ପୁଲିସ ଘଟଣାର ତଦନ୍ତ ଜାରି ରଖିଛି ।