ଶ୍ରୀଲଙ୍କା ମୁଖ୍ୟ ସେନା ଅଧିକାରୀଙ୍କ ବଡ ବୟାନ, ପୂର୍ବତନ ରାଷ୍ଟ୍ରପତି ଗୋଟାବାୟାଙ୍କୁ ନେଇ କହିଲେ ଏଭଳି କଥା
କନକ ବ୍ୟୁରୋ : ଶ୍ରୀଲଙ୍କାରେ ରାଜନୈତିକ ସଂକଟ ଟିକେ ଥମିଥିବା ବେଳେ ଆର୍ଥିକ ସଂକଟ ପୂର୍ବଭଳି ଲାଗି ରହିଛି । ଏହାରି ମଧ୍ୟରେ ଶ୍ରୀଲଙ୍କା ସେନାର ମୁଖ୍ୟ ଅଧିକାରୀଙ୍କ ବୟାନକୁ ନେଇ ଏବେ ଚର୍ଚ୍ଚା ଜୋର ଧରିଛି । ସେ କହିଛନ୍ତି କି ଦେଶରୁ ପଳାଇଯାଇଥିବା ଶ୍ରୀଲଙ୍କାର ପୂର୍ବତନ ରାଷ୍ଟ୍ରପତି ଗୋଟାବାୟା ରାଜପକ୍ଷେ ପୁଣି ଦେଶକୁ ଫେରିବେ । ଶ୍ରୀଲଙ୍କାର ଏକ ମିଡିଆ ରିପୋର୍ଟ ମୁତାବକ ଗୋଟାବାୟା ଶନିବାର ଦିନ ଶ୍ରୀଲଙ୍କା ଫେରିପାରନ୍ତି । କହିରଖୁ ଯେ ଗୋଟାବାୟା ରାଜପକ୍ଷେ ଏବେ ଦେଶାନ୍ତର ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କିଛିଦିନ ତଳେ ଦେଶରେ ଲାଗି ରହିଥିବା ଆର୍ଥିକ ସଂକଟ ସହ ଇନ୍ଧନର ଅଭାବ ସାଂଗକୁ ଖାଦ୍ୟ ସଂକଟରେ ଅତିଷ୍ଠ ହୋଇପଡିଥିଲେ ଶ୍ରୀଲଙ୍କାବାସୀ । ଏହାପରେ ନାଗରିକଙ୍କ କ୍ରୋଧରେ ଶିକାର ହୋଇଥିଲେ ପୂର୍ବ ରାଷ୍ଟ୍ରପତି ଗୋଟାବାୟା । ନାଗରିକମାନେ ରାଷ୍ଟ୍ରପତି ଭବନ ଭିତରେ ପଶି ଭଙ୍ଗାରୁଜା କରିବାର ଚିତ୍ର ବେଶ୍ ରୋମାଞ୍ଚକର ଥିଲା । ଲୋକଙ୍କ ଭୟରେ ଗୋଟାବାୟା ଦେଶଛାଡି ଅନ୍ୟଦେଶକୁ ପଳାଇ ଯାଇଥିଲେ । ହେଲେ ୨ ରୁ ୩ ଟି ଦେଶ ତାଙ୍କୁ ରହିବାର ସୁଯୋଗ ଦେଇ ନଥିବା ବେଳେ ସେ ଏବେ କେଉଁଠି ଅଛନ୍ତି ତାହା ସ୍ପଷ୍ଟ ହୋଇ ନାହିଁ । ହେଲେ ସେନା ମୁଖ୍ୟଙ୍କ ବୟାନ ଯଦି ସତ୍ୟ ହୁଏ ତେବେ ଶ୍ରୀଲଙ୍କା ରାଜନୀତିରେ ପୁଣି ହଟଚମଟ ହେବାର ସମ୍ଭାବନା ରହିଛି ।