ଶିନା ବୋରା ହତ୍ୟା ମାମଲା, ୬.୫ ବର୍ଷ ପରେ ମା ଇନ୍ଦ୍ରାଣୀଙ୍କୁ ମିଳିଲା ଜାମିନ
କନକ ବ୍ୟୁରୋ : ଶିନା ବୋରା ହତ୍ୟା ମାମଲାରେ ମା ଇନ୍ଦ୍ରାଣୀ ମୁଖାର୍ଜୀଙ୍କୁ କୋର୍ଟ ଜାମିନ ପ୍ରଦାନ କରିଛନ୍ତି । ୬.୫ ବର୍ଷ ଧରି ଜେଲରେ ରହିବା ପରେ ଏବେ ତାଙ୍କୁ ଜାମିନ ମିଳିଛି । ଏନେଇ କୋର୍ଟ କହିଛନ୍ତି କି ଏହି ମାମଲା କେବଳ ପରିସ୍ଥିତି ଜନିତ ସାକ୍ଷୀ ଆଧାରରେ ଦୀର୍ଘଦିନ ଧରି ଚାଲୁ ରହିଛି । ଏହାସହ ଟ୍ରାଏଲ ଖୁବଶୀଘ୍ର ଶେଷ ହୋଇପାରେ ବୋଲି କୋର୍ଟ କହିଛନ୍ତି । ଇନ୍ଦ୍ରାଣୀ ମୁଖାର୍ଜୀ ଏହି ମାମଲାରେ ଦୀର୍ଘଦିନ ହେବ ଜେଲରେ ଥିବାରୁ ତାଙ୍କୁ ଜାମିନ ପ୍ରଦାନ କରାଯାଇଥିବା କଥା କୋର୍ଟ କହିଛନ୍ତି । କହିରଖୁ କି ଏହି ମାମଲାରେ ୨୦୨୦ ମସିହାରେ ଅନ୍ୟଜଣେ ଅଭିଯୁକ୍ତ ପିଟର ମୁଖାର୍ଜୀଙ୍କୁ ସୁପ୍ରିମ କୋର୍ଟ ଜାମିନ ପ୍ରଦାନ କରିଥିଲେ । ହେଲେ ଇନ୍ଦ୍ରାଣୀଙ୍କ ଜାମିନ ଆବେଦନକୁ ସିବିଆଇ ବିରୋଧ କରି କୋର୍ଟରେ ଜବାବ ଦାଖଲ କରିଥିବାରୁ ଇନ୍ଦ୍ରାଣୀଙ୍କ ଜାମିନ ଏତେ ଡେରି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଇନ୍ଦ୍ରାଣୀ ମୁଖାର୍ଜୀଙ୍କ ଓକିଲ ମୁକୁଲ ରୋହତଗୀ କୋର୍ଟକୁ କହିଥିଲେ କି ଇନ୍ଦ୍ରାଣୀ ୬.୫ ବର୍ଷ ହେବ ଜେଲରେ ଅଛନ୍ତି । ଏହି ମାମଲାର ଟ୍ରାଏଲ ଆହୁରି ୧୦ ବର୍ଷ ଲାଗିପାରେ । କାରଣ ଏବେ ବି ୧୮୫ ଜଣ ସାକ୍ଷୀଙ୍କ ବୟାନ ବାକି ରହିଛି । ଏହାସହ ପୂର୍ବ ଦେଢ ବର୍ଷ ଧରି କୌଣସି ସାକ୍ଷୀଙ୍କ ବୟାନ ରେକର୍ଡ କରାଯାଇ ନଥିବାରୁ ଇନ୍ଦ୍ରାଣୀ ଜାମିନ ପାଇବାକୁ ହକଦାର ।
ମାମଲା ଏଭଳି ଥିଲା କି ଇନ୍ଦ୍ରାଣୀ ଓ ତାଙ୍କ ସାବତ ଝିଅ ଶିନାଙ୍କ ମଧ୍ୟରେ ସଂପର୍କ ଭଲ ନଥିଲା । ଶିନା ଇନ୍ଦ୍ରାଣୀଙ୍କ ପ୍ରଥମ ସ୍ୱାମୀର ଝିଅ ଥିଲା । ଏନେଇ ଉଭୟ ମା ଓ ଝିଅଙ୍କ ମଧ୍ୟରେ ବାରମ୍ବାର ଝଗଡା ହେଉଥିଲା । ଏହି ଝଗଡାକୁ ସବୁଦିନ ପାଇଁ ସମାପ୍ତ କରିଦେବାକୁ ଇନ୍ଦ୍ରାଣୀ ତାଙ୍କ ଡ୍ରାଇଭରଙ୍କ ସହାୟତାରେ ଶିନାଙ୍କୁ ହତ୍ୟା କରିଥିବା ଦାବି ହୋଇଥିଲା ।