ଯେଉଁମାନଙ୍କୁ ଲାଗୁଛି କଂଗ୍ରେସରେ ସବୁ ଠିକ ଚାଲିଛି ସେମାନେ ମୋତେ ଭୋଟ ଦିଅନ୍ତୁ ନାହିଁ । ଅଧ୍ୟକ୍ଷ ନିର୍ବାଚନକୁ ନେଇ ଶଶୀ ଥରୁରଙ୍କ ବଡ ବୟାନ …
କନକ ବ୍ୟୁରୋ: ଦେଶର ସବୁଠାରୁ ପୁରୁଣା ଦଳ କଂଗ୍ରେସର ପରବର୍ତ୍ତୀ ଅଧ୍ୟକ୍ଷ କିଏ ହେବ ? ସମୟ ଯେତିକି ପାଖେଇ ଆସୁଛି ସେତିକି ହୃଦକମ୍ପନ ବଢିବାରେ ଲାଗିଛି । କଂଗ୍ରେସର ନୂଆ ଅଧ୍ୟକ୍ଷ ପାଇଁ ଅକ୍ଟୋବର ୧୭ରେ ମତଦାନ ହେବାକୁ ଯାଉଛି । ଏହାର ଫଳାଫଳ ଅକ୍ଟୋବର ୧୯ରେ ଘୋଷଣା ହେବ । ଦୁଇ ପ୍ରାର୍ଥୀ ଶଶୀ ଥରୁର ଏବଂ ମଲ୍ଲି୍କାର୍ଜୁନ ଖଡଗେ ମଧ୍ୟ ନିଜର ପ୍ରଚାରକୁ ଜୋରଦାର କରିଚାଲିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଶଶୀ ଅଧ୍ୟକ୍ଷ ପଦ ନିର୍ବାଚନକୁ ନେଇ ବଡ ପ୍ରତିକ୍ରିୟା ଦେଇଛନ୍ତି, ସେ କହିଛନ୍ତି ଯେଉଁମାନେ ପରିବର୍ତ୍ତନ ଚାହୁଁଛନ୍ତି ସେମାନେ ମୋତେ ଭୋଟ ଦେଇ ଜିତାନ୍ତୁ । ଶଶୀ ଏହା ମଧ୍ୟ କହିଛନ୍ତି, ଯେଉଁମାନେ ଭାବୁଛନ୍ତି ଦଳରେ ସବୁକିଛି ଠିକ୍ ଚାଲିଛି ସେମାନେ ମୋତେ ଭୋଟ ଦିଅନ୍ତୁନାହିଁ । ସେ ଆହୁରି ମଧ୍ୟ କହିଥିଲେ, ଯେଉଁ ଭୋଟରମାନେ ୨୦୧୪ ଏବଂ ୨୦୧୯ରେ ନିର୍ବାଚନରେ ଦୂରେଇଥିଲେ ସେମାନେ ଆସନ୍ତୁ, କଂଗ୍ରେସ ଦଳରେ ପରିବର୍ତ୍ତନ କରିବାକୁ ଚାହୁଁଛି ।