କେତେ ସୁରକ୍ଷିତ ରୁଷର ଯୁଦ୍ଧାସ୍ତ୍ର ? ୟୁକ୍ରେନ୍ ଯୁଦ୍ଧକୁ ଅନୁଧ୍ୟାନ କରୁଛି ଭାରତୀୟ ସେନା; ବହୁଳ ଭାବେ ରୁଷ ଅସ୍ତ୍ରଶସ୍ତ୍ର ଓ ଟ୍ୟାଙ୍କ ବ୍ୟବହାର କରୁଛି ଭାରତ
କନକ ବ୍ୟୁରୋ : କେତେ ସୁରକ୍ଷିତ ରୁଷର ଯୁଦ୍ଧାସ୍ତ୍ର । ରୁଷ-ୟୁକ୍ରେନ୍ ଯୁଦ୍ଧକୁ ଅନୁଧ୍ୟାନ କରୁଛି ଭାରତୀୟ ସେନା । ଭାରତୀୟ ସେନା ବହୁଳ ଭାବେ ରୁଷର ଅସ୍ତ୍ରଶସ୍ତ୍ର ଓ ଟ୍ୟାଙ୍କ ଉପରେ ନିର୍ଭରଶୀଳ । ତେଣୁ ଉଭୟ ଦେଶର ଯୁଦ୍ଧରୁ ଯଥୋଚିତ ଶିକ୍ଷା ହାସଲ ପାଇଁ ଯୁଦ୍ଧକୁ ଅନୁଧ୍ୟାନ କରୁଛି ଭାରତୀୟ ସେନା ।
Kanak News is now on WhatsApp
Join and get latest news updates delivered to you via WhatsApp
ଉଭୟ ସେନାର ଋଚ୍ଚନୀତି, ଏଥିରେ ଥିବା ତ୍ରୁଟି, ବ୍ୟବହାର ହେଉଥିବା ଅସ୍ତ୍ରର ସାମର୍ଥ୍ୟ ଏବଂ ଉପଯୋଗିତା ନେଇ ଅଧ୍ୟୟନ କରାଯାଉଛି । ୪୯ ଦିନ ହେବ ଦୁଇ ଦେଶ ମଧ୍ୟରେ ଯୁଦ୍ଧ ଲାଗି ରହିଛି । ଏହି ଯୁଦ୍ଧରେ ରୁଷକୁ ବହୁମୂଲ୍ୟ ଦେବାକୁ ପଡୁଛି । ରୁଷର ୧୫ ହାଜରରୁ ଅଧିକ ସୈନିକ ନିହତ ହୋଇଥିବା ୟୁକ୍ରେନ୍ ଦାବି କରୁଛି । ଏହା ସହ ରୁଷ ସେନା ମଧ୍ୟ ୪୭୬ ଟ୍ୟାଙ୍କ ହରାଇଥିବା କୁହାଯାଉଛି । ଏହା ସହ ୟୁକ୍ରେନ୍ ସେନା ରୁଷକୁ ଯେପରି ବିଭିନ୍ନ ସ୍ଥାନରେ ରୋକିବାରେ ସଫଳ ହେୁଛି ତାହା ମଧ୍ୟ ଉଦାହରଣୀୟ ।