ମ୍ୟାଚ୍ ମଝିରେ କ୍ୟାପଟେନ୍ ରୋହିତ ଶର୍ମା ଆହତ । ଦିନିକିଆ ସିରିଜରୁ ହେବେ କି ଆଉଟ୍ ?
କନକ ବ୍ୟୁରୋ: ଆହତ ହେଲେ ଟିମ୍ ଇଣ୍ଡିଆ କ୍ୟାପଟେନ୍ ରୋହିତ ଶର୍ମା । ବୁଧବାର ବାଂଲାଦେଶ ବିପକ୍ଷ ମ୍ୟାଚ୍ ବେଳେ ତାଙ୍କ ଆଙ୍ଗୁଠିରେ ଆଘାତ ଲାଗିଛି । ଯେଉଁ କାରଣରୁ ତାଙ୍କୁ ତୁରନ୍ତ ହସ୍ପିଟାଲ ନେବାକୁ ପଡିଛି । ତେବେ ରୋହିତ ଶର୍ମା ସିରିଜରୁ ବାଦ୍ ପଡିବେ, ନା ମ୍ୟାଚ୍ ଖେଳିବେ ସେନେଇ କୌଣସି ସ୍ପଷ୍ଟ ସୂଚନା ମିଳିପାରିନାହିଁ ।
Kanak News is now on WhatsApp
Join and get latest news updates delivered to you via WhatsApp
ବିସିସିଆଇ ପକ୍ଷରୁ ଟୁଇଟ୍ କରି କୁହାଯାଇଛି ଯେ, ଦ୍ୱିତୀୟ ଅନ୍ତର୍ଜାତୀୟ ଦିନିକିଆ ମ୍ୟାଚରେ ଫିଲ୍ଡିଂ କରୁଥିବା ସମୟରେ ଭାରତୀୟ କ୍ୟାପଟେନ୍ ରୋହିତ ଶର୍ମାଙ୍କ ଆଙ୍ଗୁଠିରେ ଆଘାତ ଲାଗିଛି । ବିସିିସିଆଇର ମେଡିକାଲ ଟିମ୍ ଏହାକୁ ଦେଖୁଛନ୍ତି । ତାଙ୍କୁ ସ୍କାନ୍ ପାଇଁ ନିଆଯାଇଛି ବୋଲି ବିସିସିଆଇ ସୂଚନା ଦେଇଛି ।
Update: India Captain Rohit Sharma suffered a blow to his thumb while fielding in the 2nd ODI. The BCCI Medical Team assessed him. He has now gone for scans. pic.twitter.com/LHysrbDiKw
— BCCI (@BCCI) December 7, 2022
ସୂଚନାଯୋଗ୍ୟ ଯେ, ପ୍ରଥମ ଦିନିକିଆକୁ ବାଂଲାଦେଶଠାରୁ ହାରି ସିରିଜରେ ଟିମ୍ ଇଣ୍ଡିଆ ଏବେ ୧-୦ରେ ପଛୁଆ ଅଛି । ତେଣୁ ଏହି ମ୍ୟାଚ୍ ଟିମ୍ ପାଇଁ ବେଶ ଗୁରୁତ୍ୱପୂର୍ଣ୍ଣ । ଏଭଳି ସ୍ଥିତିରେ ଦଳର ଅଧିନାୟକ ଆହତ ହେବା ଦଳକୁ ଏକ ବଡ ଝଟକା ବୋଲି କୁହାଯାଉଛି । ତେବେ ରୋହିତ ଆଗକୁ ମ୍ୟାଚ୍ ଖେଳିବେ କି ନାହିଁ ସେ ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ ।