ଓଭାଲରେ ଇତିହାସ ରଚିଲେ ରୋହିତ୍ । କିମ୍ବଦନ୍ତୀ ବ୍ୟାଟ୍ସମ୍ୟାନ ସଚିନ ଓ ଭିଭିଆନ ରିଚାର୍ଡ୍ସଙ୍କୁ ପଛରେ ପକାଇ କଲେ ନୂଆ ରେକର୍ଡ ।
କନକ ବ୍ୟୁରୋ: ଭାରତୀୟ କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକର ଏବଂ ୱେଷ୍ଟଇଣ୍ଡିଜର ସାର୍ଭି ଭିଆନ୍ ରିଚାର୍ଡ୍ସଙ୍କୁ ପଛରେ ପକାଇଲେ ହିଟ୍ ମ୍ୟାନ୍ ରୋହିତ ଶର୍ମା । ନିର୍ଦ୍ଦିଷ୍ଟ ଦଳ ତଥା ଶକ୍ତିଶାଳୀ ଦଳ ଅଷ୍ଟ୍ରେଲିଆ ବିପକ୍ଷରେ ଦୁଇ ହଜାର ରନ୍ କରିବାରେ ଏହି ତୁଇ କିମ୍ବଦନ୍ତୀ ବ୍ୟାଟ୍ସମ୍ୟାନଙ୍କୁ ରୋହିତ ପଛରେ ପକାଇଛନ୍ତି । ଓଭାଲରେ ଖେଳାଯାଉଥିବା କ୍ରିକେଟ ବିଶ୍ୱକପର ୧୪ ନମ୍ବର ମ୍ୟାଚରେ ରୋହିତ ଓଭାଲରେ ୫୭ ରନ୍ କରିବା ସହ ଅଷ୍ଟ୍ରେଲିଆ ବିପକ୍ଷରେ ଦିନିକିଆରେ ଦ୍ରୁତତମ ଦୁଇ ହଜାର ରନ୍ ପୂରଣ କରିଛନ୍ତି । ଆଉ ଏହି କୀତ୍ତୀମାନ ଫଳରେ ସଚିନ ତେନ୍ଦୁଲକର ଏବଂ ୱେଷ୍ଟଇଣ୍ଡିଜର କିମ୍ବଦନ୍ତୀ ବ୍ୟାଟ୍ସମ୍ୟାନ ଭିଭିଆନ୍ ରିଚାର୍ଡ୍ସଙ୍କୁ ପଛରେ ପକାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରୋହିତ ମାତ୍ର ୩୭ଟି ଇନିଂସରେ ଏହି ମାଇଲଷ୍ଟୋନ ସ୍ପର୍ଶ କରିଛନ୍ତି। କିନ୍ତୁ ସଚିନଙ୍କୁ ଦୁଇ ହଜାର ରନ୍ ପୂରଣ କରିବା ପାଇଁ ୫୧ଟା ଇନିଂସ ଖେଳିବାକୁ ପଡ଼ିଥିଲା। ସେହିଭଳି ସାର୍ ଭିଭିଆନ୍ ରିଚାର୍ଡ୍ସଙ୍କୁ ଖେଳିବାକୁ ପଡ଼ିଥିଲା ୪୫ଟି ଇଂନିସ । ଅନ୍ୟପଟେ ଏହି ତାଲିକାରେ ବିରାଟ କୋହଲି ଓ ମହେନ୍ଦ୍ର ସିଂ ଧୋନୀ ମଧ୍ୟ ରହିଛନ୍ତି ।