‘ରେଡ ଲାଇଟ ଅନ, ଗାଡି ଅଫ୍’ କ୍ୟାମ୍ପେନକୁ ନେଇ ପ୍ରଶ୍ନ ଉଠାଇଲେ ଦିଲ୍ଲୀ ଉପରାଜ୍ୟପାଳ। ସିଏମ୍ କେଜ୍ରିୱାଲଙ୍କ ପାଖକୁ ଫେରାଇ ଦେଲେ ଫାଇଲ।
କନକ ବ୍ୟୁରୋ: ଦିଲ୍ଲୀ ଉପରାଜ୍ୟପାଳ ବିନୟ କୁମାର ସକସେନା ଦିଲ୍ଲୀରେ ରେଡ୍ ଲାଇଟ ଅନ୍ ଗାଡି ଅଫ୍ କ୍ୟାମ୍ପେନ ସହ ଜଡିତ ଫାଇଲକୁ ଫେରାଇ ଦେଇଛନ୍ତି । ମୁଖ୍ୟମନ୍ତ୍ରୀ କାର୍ଯ୍ୟାଳୟକୁ ସେ ଏହି ଫାଇଲ ଫେରାଇଦେଇଛନ୍ତି । ଏନେଇ ସେ ଅନେକ ପ୍ରଶ୍ନ ଉଠାଇଛନ୍ତି । କେବଳ ଏତିକି ନୁହେଁ ଉପରାଜ୍ୟପାଳ ଦିଲ୍ଲୀ ସରକାରଙ୍କୁ ଏହା ଉପରେ ପୁର୍ନବିଚାର କରିବାକୁ ପରାମର୍ଶ ଦେଇଛନ୍ତି । ତାଙ୍କ ପକ୍ଷରୁ କୁହାଯାଇଛି ଯେ, ଏନେଇ କୌଣସି ପ୍ରମାଣ ନାହିଁ ଏହିଭଳି କ୍ୟାମ୍ପେନ ଚଳାଇବା ଦ୍ୱାରା ବାୟୁ ପ୍ରଦୂଷଣ ଉପରେ ନିୟନ୍ତ୍ରଣ ଆସିପାରିବ । ଏହା କରିବା ଦ୍ୱାରା ଆମେ ସିଭିଲ ଡିଫେନ୍ସ ଭଲେଣ୍ଟିଅର୍ସଙ୍କ ସ୍ୱାସ୍ଥ୍ୟ ସହ ଖେଳୁଛେ ।
Kanak News is now on WhatsApp
Join and get latest news updates delivered to you via WhatsApp
ବିନୟ ସକସେନାଙ୍କ କହିବା କଥା ଯେ ସିଭିଲ ଡିଫେନ୍ସ ଭଲେଣ୍ଟିଅର୍ସ ପ୍ରଦୂଷଣ ଏବଂ ଟ୍ରାଫିକରେ ଅନେକ ସମୟ ଧରି ଛିଡା ହୋଇରହିଥାନ୍ତି । ଏହା ଅମାନବୀୟ ତଥା ସେମାନଙ୍କ ପ୍ରତି ଶୋଷଣ । ଉପରାଜ୍ୟପାଳ ଆହୁରି ମଧ୍ୟ ଲେଖିଛନ୍ତି ଏହି କ୍ୟାମ୍ପେନରେ ସିଭିଲ ଡିଫେନ୍ସ ଭଲେଣ୍ଟିଅର୍ସଙ୍କୁ ପ୍ରଦୂଷଣ ଭିତରେ ଛିଡାକରି ରଖାଯାଇପାରିବ ନାହିଁ । ସେ ରାଜସ୍ୱ ଏବଂ ଆଇନ ବିଭାଗଙ୍କୁ ନିର୍ଦ୍ଦେଶ ଦେଇଛନ୍ତି ଯେ, ଉଭୟ ବିଭାଗ ଏହାର ଯାଞ୍ଚକରିବ ଯେ ସିଭିଲ ଡିଫେନ୍ସ ଭଲେଣ୍ଟିଅର୍ସଙ୍କୁ ଏହି କ୍ୟାମ୍ପେନ ଜରିଆରେ ବ୍ୟବହାର କରାଯାଇପାରିବ ନା ନାହିଁ ।