ଦୁଇ କିମ୍ବଦନ୍ତୀ ଖେଳାଳିଙ୍କୁ ସମ୍ମାନ ଜଣାଇଲା ଆରସିବି । ଜର୍ସି ନମ୍ବର ୧୭ ଏବଂ ୩୩୩ ନେଲା ଅବସର ।
କନକ ବ୍ୟୁରୋ: ଆଇପିଏଲ୍ ଦଳ ରୟାଲ ଚାଲେଞ୍ଜର୍ସ ବାଙ୍ଗାଲୋର ଜର୍ସି ନମ୍ବର ୧୭ ଓ ଜର୍ସି ନମ୍ବର ୩୩୩କୁ ସବୁଦିନ ପାଇଁ ରିଟାୟର୍ଡ କରିଦେଇଛି । ଅର୍ଥାତ ଆରସିବିର କୌଣସି ପ୍ଲେୟାର ଏବେ ଏହି ଦୁଇଟି ଜର୍ସି ନମ୍ବରରେ ଦେଖିବାକୁ ମିଳିବେନି । ନିଜ ଦଳର ଦୁଇ କିମ୍ବଦନ୍ତୀ ଖେଳାଳି ଏବି ଡିଭିଲିୟର୍ସ ଓ କ୍ରିସ୍ ଗେଲଙ୍କୁ ସମ୍ମାନ ଜଣାଇ ଆରସିବି ଏହି ଦୁଇ ଜର୍ସିର ଅବସର ନେଇ ଘୋଷଣା କରିଛି ।
Kanak News is now on WhatsApp
Join and get latest news updates delivered to you via WhatsApp
ଏବି ଡିଭିଲିୟର୍ସ ୧୭ ନମ୍ବର ଜର୍ସିରେ ମ୍ୟାଚ୍ ଖେଳୁଥିଲେ, ସେହିଭଳି କ୍ରିସ୍ ଗେଲ୍ ମଧ୍ୟ ୩୩୩ ନମ୍ବର ଜର୍ସି ପିନ୍ଧି ପଡିଆକୁ ଓହ୍ଲାଉଥିଲେ । ଏହି ଦୁଇ ଖେଳାଳି ଏବେ ଆରସିବିକୁ ଅଲବିଦା କହିସାରିଛନ୍ତି । ତେବେ ଅବସର ନେବା ପୂର୍ବରୁ କିନ୍ତୁ ଏହି ଦୁଇ ଖେଳାଳି ଦଳର ଷ୍ଟାର ବ୍ୟାଟ୍ସମ୍ୟାନ୍ ଥିଲେ । ଦୁହେଁ ଏକାକି ଆରସିବିକୁ ଅନେକ ମ୍ୟାଚ୍ ଜିତାଇଥିବାବେଳେ, ଆରସିବି ଏବେ ଏହି ଦୁଇ ଖେଳାଳିଙ୍କୁ ନିଜର ହଲ୍ ଅଫ୍ ଫେମରେ ସାମିଲ କରିଛି । ଆଉ ସମ୍ମାନସୂଚକ ଭାବେ ଜର୍ସି ନମ୍ବର ୧୭ ଓ ୩୩୩କୁ ସବୁଦିନ ପାଇଁ ଅବସର ପ୍ରଦାନ କରାଯାଇଛି ।
Jersey numbers 17 and 333 will be retired forever as a tribute to @ABdeVilliers17 and @henrygayle, when we induct the legends of RCB into the Hall of Fame, at the #RCBUnbox presented by Walkers and Co.#PlayBold #ನಮ್ಮRCB pic.twitter.com/Ka2SaORSel
— Royal Challengers Bangalore (@RCBTweets) March 17, 2023
ଏବି ଡିଭିଲିୟର୍ସ ଆରସିବି ପାଇଁ ୧୧ଟି ଆଇପିଏଲ୍ ସିଜିନ ଖେଳିଥିଲେ । ଏହି ଫ୍ରାଞ୍ଚାଇଜ୍ ପାଇଁ ସେ ୧୫୭ଟି ମ୍ୟାଚ୍ ଖେଳିବା ସହିତ ୪୫୨୨ ରନ୍ କରିଥିଲେ । ଏହା ଭିତରେ ୩୭ଟି ଅର୍ଦ୍ଧଶତକ ସହ ଦୁଇଟି ଶତକ ମଧ୍ୟ ସାମିଲ ଥିଲା । ସେହିପରି କ୍ରିସ୍ ଗେଲ ଆରସିବି ପଟରୁ ମୋଟ ୯୧ଟି ଆଇପିଏଲ୍ ମ୍ୟାଚ୍ ଖେଳିଥିବାବେଳେ, ୧୫୪.୪୦ ଷ୍ଟ୍ରାଇକ୍ ରେଟରେ ୩୪୨୦ ରନ୍ କରିଥିଲେ । ଏହି ଫ୍ରାଞ୍ଚାଇଜ୍ ତରଫରୁ ମ୍ୟାଚ୍ ଖେଳି ଗେଲ୍ ୨୧ଟି ଅର୍ଦ୍ଧଶତକ, ଓ ୫ଟି ଶତକ ହାସଲ କରିଥିଲେ ।