ରାଜୁ ଶ୍ରୀବାସ୍ତବଙ୍କ ବ୍ରେନ୍ ଡେଡ୍ ଖବରକୁ ଗୁଜବ କହିଲେ ପତ୍ନୀ ଶିଖା : ସ୍ଥିର ରହିଛି ସ୍ୱାସ୍ଥ୍ୟାବସ୍ଥା; ଡାକ୍ତର ନିଷ୍ଠାର ସହ କରୁଛନ୍ତି କାମ
କନକ ବ୍ୟୁରୋ : କମେଡିଆନ୍ ରାଜୁ ଶ୍ରୀବାସ୍ତବଙ୍କୁ ସ୍ୱାସ୍ଥ୍ୟାବସ୍ଥାକୁ ନେଇ ସମସ୍ତେ ପ୍ରାର୍ଥନା କରୁଛନ୍ତି । ରାଜୁ ଶ୍ରୀବାସ୍ତବ ୧୦ ଦିନ ହେଲା ଏମ୍ସରେ ଚିକିତ୍ସିତ ହେଉଛନ୍ତି । କିନ୍ତୁ ଏଯାଏଁ ତାଙ୍କର ଚେତା ଫେରିନାହିଁ । ଏହାରି ଭିତରେ ରାଜୁଙ୍କୁ ନେଇ ଯେଉଁ ବଡ଼ ଖବର ଆସୁଥିଲା ଯେ ତାଙ୍କର ବ୍ରେଡ୍ ପ୍ରାୟତ ଡେଡ୍ ହୋଇସାରିଛି, ତାକୁ ଗୁଜବ ବୋଲି କହିଛନ୍ତି ପତ୍ନୀ ଶିଖା ଶ୍ରୀବାସ୍ତବ । ସେ କହିଛନ୍ତି, ରାଜୁଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଅଛି ଏବଂ ଡାକ୍ତର ତାଙ୍କର କାମକୁ ଦାୟିତ୍ୱର ସହ ତୁଲାଉଛନ୍ତି । ଡାକ୍ତର ଓ ହସ୍ପିଟାଲ ମ୍ୟାନେଜମେଣ୍ଟ ଉପରେ ପୂରା ଭରସା ଥିବା କହିଛନ୍ତି ରାଜୁଙ୍କ ପତ୍ନୀ ।
Kanak News is now on WhatsApp
Join and get latest news updates delivered to you via WhatsApp
ସେ ଆହୁରି କହିଛନ୍ତି ଯେ ରାଜୁ ଜୀବବ ଯୁଦ୍ଧରେ ନିଶ୍ଚୟ ବିଜୟୀ ହେବେ ଏବଂ ସମସ୍ତଙ୍କ ମନୋରଞ୍ଜନ ପାଇଁ ପୁଣିଥରେ ଫେରିବେ । ଆମକୁ ଆଶୀର୍ବାଦ ଓ ପ୍ରାର୍ଥନାର ଆବଶ୍ୟକତା ରହିଛି ବୋଲି ଶିଖା କହିଛନ୍ତି । ସେହିପରି ରାଜୁଙ୍କ ସାନ ଭାଇ ଦୀପୁ ଶ୍ରୀବାସ୍ତବକ ମଧ୍ୟ ଗୁଜବ ଖବରକୁ ଖଣ୍ଡନ କରିଛନ୍ତି । ଅଗଷ୍ଟ ୧୦ ତାରିଖରେ ଜିମରେ ବ୍ୟାୟାମ କରୁଥିବା ବେଳେ ରାଜୁ ଶ୍ରୀବାସ୍ତବଙ୍କୁ ହୃଦଘାତ ହୋଇଥିଲା । ତାଙ୍କୁ ଦିଲ୍ଲୀର ଏମ୍ସ ହସ୍ପିଟାଲ ନିଆଯାଇଥିଲା । ଗତ ୯ ଦିନ ହେବ, ରାଜୁଙ୍କ ଚେତା ଫେରିନାହିଁ । ଡାକ୍ତରୀ ଟିମ୍ ତାଙ୍କର ଚିକିତ୍ସାରେ ଦିନରାତି ଲାଗିଛନ୍ତି ।