ଅଡୁଆରେ ବଲିଉଡ୍ ଅଭିନେତ୍ରୀ କରୀନା କୁପର । ଧର୍ମ ଉପରେ ରଖିଲେ ବହିର ନାଁ । ନୋଟିସ୍ ଜାରି କଲେ କୋର୍ଟ ।
କନକ ବ୍ୟୁରୋ : ଅଡୁଆରେ ବଲିଉଡ୍ ଅଭିନେତ୍ରୀ କରୀନା କପୁର । କରୀନାଙ୍କ ଦ୍ୱାରା ଲିଖିତ ଏକ ପୁସ୍ତକର ଟାଇଟଲକୁ ନେଇ ବିବାଦ ଉପୁଜିଛି । ଏପରିକି ଏହି ପୁସ୍ତକ ପାଇଁ କୋର୍ଟ କରୀନାଙ୍କୁ ନୋଟିସ୍ ମଧ୍ୟ ଜାରି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅସଲ କଥା ହେଲା, କରୀନା କପୁର ଖାନ୍ ନିଜ ଗର୍ଭବସ୍ଥା ସମୟର ଯାତ୍ରାକୁ ନେଇ ଏକ ପୁସ୍ତକ ରଚନା କରିଛନ୍ତି । ଏହାର ନାଁ ସେ ରଖିଛନ୍ତି, କରୀନା କପୁର ଖାନ୍ ପ୍ରେଗେନ୍ସି ବାଇବେଲ୍ । ତେବେ ବହିରେ ବାଇବେଲ୍ ଶବ୍ଦର ବ୍ୟବହାର ହେଇଥିବା କାରଣରୁ ଏହା ବିରୋଧରେ ଜବଲପୁରର ଖ୍ରୀଷ୍ଟିୟାନ୍ ସମାଜେବୀ କୋର୍ଟର ଦ୍ୱାରସ୍ଥ ହେଇଛନ୍ତି । ଆଉ ଏହାପରେ କୋର୍ଟ କରୀନାଙ୍କୁ ନୋଟିସ୍ ଜାରି କରିଛି ।
ଜବଲପୁରର ଖ୍ରୀଷ୍ଟିୟାନ୍ ସମାଜସେବୀ କ୍ରିଷ୍ଟୋଫର ଆନ୍ଥୋନୀ ଏହି ବହିର ନାଁ ଉପରେ ଆପତ୍ତି ଜାହିର କରିଥିଲେ । ମଧ୍ୟପ୍ରଦେଶ ହାଇକୋର୍ଟରେ ସେ ଏନେଇ ଏକ ଯାଚିକା ମଧ୍ୟ ଦାୟର କରିଥିଲେ । ଯାହ ଉପରେ ଆକ୍ସନ ନେଇ କୋର୍ଟ, କରୀନା କପୁର ଏବଂ ଏହି ବହି ବିକୁଥିବା ଲୋକଙ୍କୁ ଜବାବ ମାଗିଛି ।
ସମାଜସେବୀ କ୍ରିଷ୍ଟୋଫର ଆନ୍ଥୋନୀଙ୍କ କହିବା ମୁତାବକ, କେବଳ ପ୍ରଚାର ପାଇଁ ଏବଂ ଶସ୍ତା ଲୋକପ୍ରିୟତା ପାଇଁ ସେ ପବିତ୍ର ଗ୍ରନ୍ଥର ନାମ ନିଜ ବହିରେ ଯୋଡିଛନ୍ତି । ଏହାକୁ ଭୁଲ ବୋଲି କହିବା ସହ,ଏହାଦ୍ୱାରା ଧାର୍ମିକ ଭାବନା ଆହତ ହେଇଛି ବୋଲି ସେ କହିଛନ୍ତି । ସୂଚନାଯୋଗ୍ୟ ଯେ, ୨୦୨୧ ମସିହାରେ ଏହି ଉନ୍ମୋଚିତ ହେଇଥିଲା । ଯେଉଁଥିରେ ୪୩ ବର୍ଷୀୟ କରୀନା କପୁର ନିଜ ଗର୍ଭବସ୍ଥାର ଯାତ୍ରା ବର୍ଣ୍ଣନା କରିଥିଲେ ।