କନକ ବ୍ୟୁରୋ : ଦୀର୍ଘଦିନର ନୀରବତା ପରେ ପୁଣି ରାଜସ୍ଥାନ ରାଜନୀତିରେ ଦେଖାଦେଇଛି ହଲଚଲ । କ୍ଷମତାସୀନ କଂଗ୍ରେସରେ ପୁଣି ପାଇଲଟ ବନାମ ଗେହଲଟ୍ ଲଢ଼େଇ ଆରମ୍ଭ ହୋଇଛି । ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟ୍ ନିଜ ଦଳର ଆଭିମୁଖ୍ୟ ବିରୋଧରେ ମଙ୍ଗଳବାର ଅନଶନରେ ବସିଛନ୍ତି । ପାଇଲଟଙ୍କ ଏଭଳି କାର୍ଯ୍ୟକୁ ଦଳ ବିରୋଧୀ କାମ କହି ନିନ୍ଦା କରିଛି କଂଗ୍ରେସ । ସଚିନ ଦାବି କରିଛନ୍ତି ବିଜେପି ସରକାର ସମୟର ଦୁର୍ନୀତିର ତଦନ୍ତ କରାଯାଉ ।
Kanak News is now on WhatsApp
Join and get latest news updates delivered to you via WhatsApp
ସେପଟେ, ଅନଶନ ସରିବା ପରେ ପାଇଲଟ କହିଛନ୍ତି, ଆଗକୁ ମଧ୍ୟ ଏହି ଦୁର୍ନୀତି ବିରୋଧୀ ଲଢ଼େଇ ଜାରି ରହିବ । ପାଇଲଟ କହିଛନ୍ତି, ସୁଖଜିନ୍ଦର ସିଂହ ରନ୍ଧୱା ଗତ କିଛି ଦିନ ତଳେ ରାଜସ୍ଥାନ ପ୍ରଭାରୀ ହେଲେ। କିନ୍ତୁ ପୂର୍ବରୁ ରାଜସ୍ଥାନ ଦାୟିତ୍ବରେ ଥିବା ପ୍ରଭାରୀଙ୍କ ସହ ମୁଁ ଦୁର୍ନୀତି ପ୍ରସଙ୍ଗରେ ଆଲୋଚନା କରିଥିଲି । ଉକ୍ତ ପ୍ରସଙ୍ଗରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ହୋଇନି । ତେଣୁ ଦୁର୍ନୀତି ବିରୋଧରେ ଆମେ ସ୍ବର ଉତ୍ତୋଳନ କରିବୁ ଏବଂ ଦୁର୍ନୀତି ବିରୋଧରେ ଲଢ଼େଇ ଜାରି ରଖିବୁ ବୋଲି ପାଇଲଟ ଘୋଷଣା କରିଛନ୍ତି ।
ରାଜସ୍ଥାନ ବିଧାନସଭା ଓ ୨୦୨୪ ନିର୍ବାଚନ ପୂର୍ବରୁ କଂଗ୍ରେସରେ ଦୁଇ ମୁଖ୍ୟ ଚେହେରାଙ୍କ ଭିତରେ ଲଢେଇରେ କଂଗ୍ରେସ କେତେ ପ୍ରଭାବିତ ହେଉଛି ଓ ବିରୋଧୀ ଏହାର କେତେ ଫାଇଦା ଉଠାଇବେ ଏନେଇ ଚର୍ଚ୍ଚା ଜୋର ଧରିଛି ।