କନକ ବ୍ୟୁରୋ : ନିଜର ବୟାନ ପାଇଁ ପୁଣି ସମାଲୋଚନାର ଶିକାର ହୋଇଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ମୋଦି ସରକାରଙ୍କ ବୈଦେଶିକ ନୀତିକୁ କଟାକ୍ଷ’ କରିବାକୁ ଯାଇ ଏବେ ନିଜେ ନିଜ ଭାଷଣରେ ଫଶିଛନ୍ତି ରାହୁଲ । କେବଳ ଦେଶରେ ନୁହେଁ ବିଦେଶରେ ମଧ୍ୟ ରାହୁଲଙ୍କ ବୟାନକୁ ମିିଳିନି ସମର୍ଥନ । ଆମେରିକା କହିଛି ଚୀନ-ପାକିସ୍ତାନର ନିବିଡ ସର୍ମ୍ପକର କାରଣ ନୁହେଁ ମୋଦି ସରକାରଙ୍କ ଭୂଲ ନୀତି । ବରଂ ଏହା ସେମାନଙ୍କ ଆପୋଷ ରଣନୀତି ।
Kanak News is now on WhatsApp
Join and get latest news updates delivered to you via WhatsApp
ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଆଲୋଚନାରେ ଭାଗ ନେଇ କିଛି ଏଭଳି ଢଙ୍ଗରେ ରାହୁଲ ସିଧାସଳଖ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମାଲୋଚନା କରିଥିଲେ କଂଗ୍ରେସ ସାଂସଦ ରାହୁଲ ଗାନ୍ଧୀ । କେନ୍ଦ୍ର ସରକାରଙ୍କ ବୈଦେଶିକ ନୀତି ଉପରେ ପ୍ରଶ୍ନ ଉଠାଇବା ସହ ରାହୁଲ ଏକାଧିକ ଅଭିଯୋଗ ବି କରିଥିଲେ । କେବଳ ସେତିକି ନୁହେଁ ଚୀନ-ପାକିସ୍ତାନ ଭିତରେ ଗଡି ଉଠିଥିବା ନୂଆ ଘନିଷ୍ଠ ସର୍ମ୍ପକକୁ ନେଇ ରାହୁଲ ଦେଇଥିଲେ ଅଶ୍ଚଯ୍ୟଜନକ ବୟାନ ।
ମୋଦି ସରକାରଙ୍କ ଭୁଲ ବୈଦେଶିକ ନୀତି ଚୀନ-ପାକିସ୍ତାନଙ୍କୁ ନିକଟତର କରୁଛି ବୋଲି କହିଥିଲେ ରାହୁଲ । ଚୀନ ଓ ପାକିସ୍ତାନକୁ ପରସ୍ପରଠୁ ଦୂରରେ ରଖିବା ଭାରତ ସରକାରଙ୍କ ବିଦେଶ ନୀତିର ସୁବଠୁ ବଡ ଲକ୍ଷ୍ୟ ହବା କଥା, କିନ୍ତୁ ସରକାରଙ୍କ ଭୁଲ ନୀତି ଏମାନଙ୍କୁ ନିକଟତର କରୁଛି ବୋଲି ରାହୁଲ କହିଥିଲେ । ଯାହାକୁ ନେଇ ଏବେ ଦେଶଠୁ ଆରମ୍ଭ କରି ବିଦେଶରୁ ଆସୁଛି ପ୍ରତିକ୍ରିୟା । ଆମେରିକା ବୈଦେଶିକମନ୍ତ୍ରାଳୟ ରାହୁଲଙ୍କ ବୟାନକୁ ନେଇ ନିଜର ଜବାବ ରଖିଛି । ଆମେରିକା ବୈଦେଶିକମନ୍ତ୍ରାଳୟ ମୁଖପାତ୍ର ନେଡ ପ୍ରାଇସ କହିଛନ୍ତି କି ଚୀନ ପାକିସ୍ତାନ ପରସ୍ପର ନିକଟତର ହେବା ପଛରେ ଭାରତ ସରକାଙ୍କ ବିଫଳତା ବୋଲି ରାହୁଲ ଯେଉଁ ବୟାନ ଦେଇଛନ୍ତି ତାକୁ ଗ୍ରହଣ କରୁନି ଆମେରିକା । ଏଥିସହ ନେଡ ପ୍ରାଇଜ କହିଛନ୍ତି କଣ ପାଇଁ ଚୀନ, ପାକିସ୍ତାନର ସର୍ମ୍ପକ ନିବିଡ ହୋଇଛି,ସେମାନଙ୍କ ଏହା ବ୍ୟକ୍ତିଗତ ରଣନୀତି ।
ଗୋଟେ ପଟେ ଆମେରିକା ରାହୁଲଙ୍କ ବୟାନକୁ ନେଇ ନିଜ ଜବାବ ରଖିଥିବାବେେଳେ ଅନ୍ୟପଟେ ବିଜେପିର ବରିଷ୍ଠ ନେତା କଂଗ୍ରେସ ନେତାଙ୍କୁ ଘେରିବା ଆରମ୍ଭ କରିଛନ୍ତି । ଦେଶର ଇତିହାସକୁ ନେଇ ସାମାନ୍ୟ ଜ୍ଞାନ ରଖୁଥିବା ରାହୁଲଙ୍କ ଏହା ଦିଗହରା ଓ ଅସ୍ପଷ୍ଟ ଭାଷଣ ବୋଲି କହିଛି ବିଜେପି ।ସେପଟେ ଭାରତୀୟ ବୈଦେଶିକମନ୍ତ୍ରୀ ଏସ ଜୟଶଙ୍କର କହିଛନ୍ତି କି ଚୀନ ଓ ପାକିସ୍ତାନ ୧୯୭୦ ମସିହାର ପରସ୍ପର ସହ ନିକଟତର ଏହା ବର୍ତମାନର ଘଟଣା ନୁହେଁ ।
ମୋଦି ସରକାଙ୍କ ଭୁଲ ନୀତି ପାଇଁ ପଡୋଶୀ ଚୀନ ଓ ପାକିସ୍ତାନ ମଧ୍ୟରେ ନିବିଡତା ବଡିଥିବା କହି ଏବେ ବିବାଦରେ ପଡିଯାଇଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ଦେଶଠୁ ନେଇ ବିଦେଶ ମାଟିରେ କଂଗ୍ରେସ ନେତାଙ୍କ ଏହି ବୟାନ ବିବାଦ ବଢାଇବା ସହ ସମାଲୋଚନା ଶିକାର ହେଉଛନ୍ତି ରାହୁଲ ।