ଶୋଇଥିବା ବେଳେ ଜୁନିଅର ଛାତ୍ରଙ୍କୁ ମାଡ଼ ! ବୁର୍ଲା ଇଞ୍ଜିନିୟରିଂ କଲେଜରୁ ଆସିଲା ରାଗିଂ ଅଭିଯୋଗ
କନକ ବ୍ୟୁରୋ : ବ୍ରହ୍ମପୁରରୁ ସମ୍ବଲପୁର ଡେଇଁଲା ରାଗିଂ । ବୁର୍ଲା ଭିସୁଟରେ ରାଗିଂ ଅଭିଯୋଗ । ବୁର୍ଲା ସୁରେନ୍ଦ୍ର ସାଏ ମେଡିକାଲ କଲେଜର ଜଣେ ଦ୍ୱିତୀୟ ବର୍ଷର ଛାତ୍ରଙ୍କୁ ଚତୁର୍ଥ ବର୍ଷର ଛାତ୍ର ରାଗିଂ କରିଥିବା ଅଭିଯୋଗ ହୋଇଛି । ରାଗିଂର ଶିକାର ଛାତ୍ର ଏ ନେଇ ଥାନାରେ ଏତଲା ଦେଇଛନ୍ତି । ଏହା ପରେ ପୋଲିସ ଘଟଣାର ତଦନ୍ତ କରିଛି । ହଷ୍ଟେଲରେ ଥିବା ରୁମରେ ଛାତ୍ର ଜଣଙ୍କ ଶୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହି ସମୟରେ କିଛି ଚତୁର୍ଥ ବର୍ଷ ବା ଶେଷ ବର୍ଷର ଛାତ୍ର ଆସି ତାଙ୍କୁ ମାଡ ମାରିଥିବା ଅଭିଯୋଗ ହୋଇଛି । ପୂର୍ବରୁ ଅଭିଯୋଗକାରୀଙ୍କ ସହ ସିନିୟର ଛାତ୍ରଙ୍କ ବିବାଦ ଥିଲା କି ? ତାହା ଏବେ ପ୍ରଶ୍ନ ଘେରରେ । ତେବେ କେଉଁ କାରଣ ପାଇଁ ଶେଷ ବର୍ଷର ଛାତ୍ର ଆସି ବାଡେଇଥିଲେ ସେ ନେଇ କୌଣସି ସୂଚନା ମିଳିପାରି ନାହିଁ । ଅଭିଯୋଗ ପରେ କଲେଜ କର୍ତ୍ତୃପକ୍ଷ କହିଛନ୍ତି ଶୃଙ୍ଖଳା କମିଟିର ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯିବ ।