୮ ଦଫା ଦାବି ନେଇ ଅଙ୍ଗନୱାଡି କର୍ମୀଙ୍କ ଅଭିନବ ପ୍ରତିବାଦ : ରାଜଧାନୀ ରାଜରାସ୍ତାରେ ଝୋଟି ପକାଇ ଲକ୍ଷ୍ମୀପୂଜା କଲେ ଶତାଧିକ ମହିଳା
କନକ ବ୍ୟୁରୋ : ରାଜଧାନୀ ରାଜରାସ୍ତାରେ ଅଙ୍ଗନୱାଡି କର୍ମୀଙ୍କ ଧାରଣା ଜାରି ରହିଛି । ୮ ଦଫା ଦାବି ନେଇ ଅଙ୍ଗନୱାଡି କର୍ମୀମାନେ ଏହି ଧାରଣା ଜାରି ରଖିଛନ୍ତି । ଆଜି ରାଜ ରାସ୍ତା ଉପରେ ମାଣ ବସାଇ ନିଆରା ଢଙ୍ଗରେ ଅଙ୍ଗନୱାଡି କର୍ମୀମାନେ ପ୍ରତିବାଦ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମାର୍ଗଶୀର ମାସ ଗୁରୁବାର ଥିବାବେଳେ ରାସ୍ତା ଉପରେ ଝୋଟି ପକାଇ ମାଣ ବସାଇ ମାଆ ଲକ୍ଷ୍ମୀଙ୍କୁ ପୂଜା କରିଛନ୍ତି । ସମସ୍ତଙ୍କୁ ସରକାରୀ କର୍ମଚାରୀ ମାନ୍ୟତା ଦାବିକରିବା ସହ ଇପିଏଫ ଆଦିର ସୁବିଧା କରିବାକୁ ଦାବି କରିଛନ୍ତି । ସେହିଭଳି ଅବସରକାଳୀନ ସହାୟତା ରାଶି ୫ଲକ୍ଷ କରାଯିବା ସହିତ ପେନସନ୍ ମାସିକ ୫ହଜାର ଟଙ୍କା ପ୍ରଦାନ କରିବାକୁ ଅଙ୍ଗନୱାଡି କର୍ମୀମାନେ ଦାବି କରିଛନ୍ତି ।