ଶ୍ରୀମନ୍ଦିର ଚାରିପଟୁ ଉଚ୍ଛେଦ ନେଇ ଚାଲିଛି ସାମାଜିକ ସର୍ବେକ୍ଷଣ । ୫ ଜଣ ପ୍ରୋବେସନାରୀ ଆଇଏଏସଙ୍କ ନେତୃତ୍ୱରେ କରାଯାଉଛି ସର୍ଭେ
ବିସ୍ଥାପିତ ହେବାକୁ ଥିବା ପରିବାର ସହ କରୁଛନ୍ତି ଆଲୋଚନା
କନକ ବ୍ୟୁରୋ: ପୁରୀ ଶ୍ରୀମନ୍ଦିର ୭୫ ମିଟର ସୁରକ୍ଷା ବଳୟକୁ ନେଇ ଉଚ୍ଛେଦ ପ୍ରକିୟା ପାଇଁ ଚାଲିଛି ସାମାଜିକ ପ୍ରଭାବ ସର୍ବେକ୍ଷଣ । ୫ଟି ଟିମ ଏଥିରେ ସାମିଲ ହୋଇଛନ୍ତି । ପ୍ରଥମେ ଶ୍ରୀମନ୍ଦିର ଉତ୍ତରଦ୍ୱାର ପଟେ ଥିବା ଚୁଡଙ୍ଗ ସାହି ମୌଜାର ବାଣୁଆ ସାହିରୁ ସର୍ଭେ ଆରମ୍ଭ କରାଯାଉଛି । ୫ ଜଣ ପ୍ରୋବେସନାରୀ ଆଇଏଏସ ମାନଙ୍କ ନେତୃତ୍ୱରେ ସର୍ଭେ କରାଯାଉଛି । ତେବେ ସାମାଜିକ ପ୍ରଭାବ ସର୍ବେକ୍ଷଣକୁ ନେଇ ଅଧିସୂଚନା ଜାରି ହୋଇଥିବା ବେଳେ ସେହି ଅନୁସାରେ ବିସ୍ଥାପିତଙ୍କ ସହ ଆଲୋଚନା କରାଯିବ ।
Kanak News is now on WhatsApp
Join and get latest news updates delivered to you via WhatsApp
ତା ପୂର୍ବରୁ ଏକ ମାସ ଭିତରେ ସର୍ଭେ କରିବା ପରେ ଜନଶୁଣାଣି କରାଯାଇ ଲୋକଙ୍କୁ ଥଇଥାନ ନୀତି ୨୦୧୩ ଅନୁଯାୟୀ କରାଯିବ । ରାଜ୍ୟ ସରକାର ଜମି ଅଧିକଗ୍ରହଣ ଆଇନ ୨୦୧୩ର ଧାରା ୪ ଅନୁଯାୟୀ ପ୍ରଥମେ ସ୍ପେଶିଆଲ ଆସେସମେଂଟ କରିବା ପରେ ଜନଶୁଣାଣୀ କରି ମାସେ ଭିତରେ ସର୍ବେକ୍ଷଣ ସାରିବେ । ତା ପରେ ଗ୍ୟାଜେଟ ନୋଟିଫିକେସ କରାଯିବ । ବିସ୍ଥାପିତ ମାନେ ମଧ୍ୟ ଆଗୁଆ ଆସି ପ୍ରଶାସନ ସହ ଆଲୋଚନା କରିଥିବାରୁ ଜିଲ୍ଳାପାଳ ଏହାକୁ ଉତ୍ତମ ସଂକେତ ବୋଲି କହିଛନ୍ତି ।