ମୋବାଇଲ୍ ଷ୍ଟୋର୍ ମାଲିକଙ୍କ ପାଇଁ ବିପଦ ସାବ୍ୟସ୍ତ ହେଲେ ସନ୍ନି ଲିଓନି ! ୧୦୦ ଜଣଙ୍କ ବିରୋଧରେ ହେଲା ମାମଲା ରୁଜୁ
ବଲିଉଡର ବେବି ଡଲଙ୍କ ପାଇଁ ଅସୁବିଧାରେ ପଡିଛନ୍ତି ମୋବାଇଲ୍ ଫୋନ୍ ଷ୍ଟୋରର ମାଲିକ । ଏପରିକି ଏହି ମାଲିକଙ୍କ ସହ ଅନ୍ୟ ୧୦୦ ଜଣଙ୍କ ବିରୋଧରେ ରୁଜୁ ହୋଇଛି ମାମଲା । ସୂଚନା ଅନୁସାରେ, କୋଚିର ଏକ ପ୍ରିମୟର୍ ସ୍ମାର୍ଟ ଫୋନ୍ ଆଉଟଲେଟର ଲଂଚିଙ୍ଗ୍ ପାଇଁ ପହଂଚିଥିଲେ ସନ୍ନି ଲିଓନି । ତେବେ ସନ୍ନିଙ୍କୁ ଦେଖିବା ପାଇଁ ପ୍ରଶଂସକଙ୍କ ଲାଗିଥିଲା ନାହିଁ ନଥିବା ଭିଡ । ଯେତେବେଳେ ସେ କୋଚିର ଏମଜି ରୋଡରେ ପହଂଚିଥିଲେ ସେତେବେଳେ ହଜାର ହଜାର ପ୍ରଶଂସକ ତାଙ୍କ କାରକୁ ଘେରି ଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ପରିସ୍ଥିତି ଏପରି ହୋଇଥିଲା ଯେ ଏହି ଭିଡକୁ ନିୟନ୍ତ୍ରଣ କରିବା ଟ୍ରାଫିକ୍ ପୁଲିସ୍ ପାଇଁ କାଠିକର ପାଠ ହୋଇଯାଇଥିଲା । ଏପରିକି ଏହି ଭିଡକୁ କାବୁ କରିବା ପାଇଁ ଦୁଇ ଦୁଇ ଥର ବଳ ପ୍ରୟୋଗ ମଧ୍ୟ କରିବାକୁ ପଡିଥିଲା । ତେଣୁ ପୁଲିସ୍ ମୋବାଇଲ୍ ଷ୍ଟୋର୍ ମାଲିକଙ୍କ ସହ ଅନ୍ୟ ୧୦୦ ଜଣଙ୍କ ବିରୋଧରେ ଘଂଟା ଘଂଟା ଧରି ଟ୍ରାଫିକ୍ ଅଟକାଇବା ନେଇ ଆଇପିସି ଧାରା ୨୮୩ ଏବଂ ୮୩ ଅନୁଯାୟୀ ମାମଲା ରୁଜୁ କରିଛି ।
ସୂଚନାଯୋଗ୍ୟ ଯେ ସନ୍ନି ଲିଓନିଙ୍କୁ ଦେଖିବାପାଇଁ ତାଙ୍କ ପ୍ରଶଂସକ ମାନଙ୍କର ପାଗଳାମି ଦୃଶ୍ୟକୁ ସନ୍ନି ଲିଓନିଙ୍କ ସ୍ୱାମୀ ଡ଼େନିୟଲ୍ ବେବର୍ ନିଜର ଟ୍ଵିଟର୍ରେ ସେଆର୍ କରିଥିଲେ । ଖାଲିସେତିକି ନୁହେଁ, ନିଜେ ସନ୍ନି ମଧ୍ୟ ଏହାକୁ ନିଜର ସୋସିଆଲ୍ ଆକାଉଣ୍ଟ୍ରେ ସେୟାର୍ କରିଥିଲେ।