ପ୍ରଧାନମନ୍ତ୍ରୀ ମୋଦୀଙ୍କ ଫ୍ରାନ୍ସ ଗସ୍ତରେ ଆସିପାରେ ଖୁସି ଖବର । ବଢିବ ଭାରତୀୟ ନୌସେନାର ବଳ । ଭାରତୀୟ ନୌସେନାକୁ ମିଳିବ ୨୬ଟି ରାଫେଲ୍-ଏମ୍ ଫାଇଟର ଜେଟ୍ ।
କନକ ବ୍ୟୁରୋ: ପୁଣି ବଢିବ ଭାରତୀୟ ନୌସେନାର ବଳ । ଡରିବେ ଭାରତର ପଡୋଶୀ ଶତ୍ରୁ । ଗତ କିଛି ବର୍ଷ ଧରି ସୀମାରେ ଆହୁରି ସଶକ୍ତ ହେଉଥିବା ଭାରତୀୟ ନୌସେନାର ବଳ ଆହୁରି ଅଧିକ ବଢିବାକୁ ଯାଉଛି । ଆଇଏନଏସ୍ ବିକ୍ରାନ୍ତ ପାଇଁ ଫ୍ରାନ୍ସରୁ ଆସିବାକୁ ଯାଉଛି ଆଉ ୨୬ଟି ରାଫେଲ ବିମାନ । ସମ୍ଭବତଃ ପ୍ରଧାନମନ୍ତ୍ରୀ ମୋଦୀଙ୍କ ଫ୍ରାନ୍ସ ଗସ୍ତ ବେଳେ ଏହି ଚୁକ୍ତିକୁ ଗ୍ରୀନ୍ ସିଗନାଲ ମିଳିପାରେ ବୋଲି କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶିତ ରିପୋର୍ଟ ମୁତାବକ, ପ୍ରଧାନମନ୍ତ୍ରୀ ମୋଦୀଙ୍କ ଫ୍ରାନ୍ସ ଗସ୍ତ ବେଳେ, ବହୁ ଗୁରୁତ୍ୱପୂର୍ଣ୍ଣ ବିଷୟରେ ଆଲୋଚନା ହୋଇପାରେ । ଏହାମଧ୍ୟରେ ରହିଛି ବୁଡାଜାହାଜ ନିର୍ମାଣ । ଭାରତ ଆଗାମୀ ଦିନରେ ୩ଟି ବୁଡାଜାହାଜ ନିର୍ମାଣ କରିବାକୁ ଫ୍ରାନ୍ସ ସହିତ କଥାବାର୍ତ୍ତା କରିବ । ମେକ୍ ଇନ୍ ଇଣ୍ଡିଆ ପ୍ରୋଗାମରେ ଏହାକୁ ଭାରତରେ ନିର୍ମାଣ କରାଯିବ । ତେବେ କେନ୍ଦ୍ର ସରକାର କିନ୍ତୁ ଏନେଇ ବିଧିବଦ୍ଧ ଘୋଷଣା କରିନଥିଲେ ମଧ୍ୟ, ପ୍ରଧାନମନ୍ତ୍ରୀ ମୋଦୀଙ୍କ ଫ୍ରାନ୍ସ ଗସ୍ତ ପରେ ଏହାର ସ୍ପଷ୍ଟ ଚିତ୍ର ଆସିପାରେ ବୋଲି କୁହାଯାଉଛି ।
ପିଏମ୍ ମୋଦୀ ଆସନ୍ତା ଜୁଲାଇ ୧୩ ଓ ୧୪ ତାରିଖରେ ଦୁଇ ଦିନିଆ ଫ୍ରାନ୍ସ ଗସ୍ତରେ ଯିବେ । ଏହି ଗସ୍ତରେ ପ୍ରତିରକ୍ଷା ସମ୍ଭନ୍ଧୀୟ ବହୁ ଗୁରୁତ୍ୱପୂର୍ଣ୍ଣ ଡିଲ୍ ହେଇପାରେ । ଏହି ଗସ୍ତରେ ଭାରତର ଚେଷ୍ଟା ରହିବ ଯେ, କିପରି ଫ୍ରାନ୍ସର କମ୍ପାନୀମାନେ ଭାରତ ଆସି, ଏଠାରେ ଇଞ୍ଜିନି ନିର୍ମାଣ କରନ୍ତୁ । ଯାହାଫଳରେ ଭାରତର ସେନା ଆହୁରି ଅଧିକ ଶକ୍ତିଶାଳୀ ହେଇପାରିବ ।
ସୂଚନାଯୋଗ୍ୟ ଯେ, ପ୍ରଧାନମନ୍ତ୍ରୀ ମୋଦୀଙ୍କ ଫ୍ରାନ୍ସ ଗସ୍ତ ପୂର୍ବରୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏକ ବୈଠକ ଡାକିଛନ୍ତି । ଜୁଲାଇ ୧୩ରେ ବସିବାକୁ ଥିବା ଏହି ବୈଠକରେ ଭାରତୀୟ ନୌସେନା ପାଇଁ ୨୬ଟି ରାଫେଲ୍ ବିମାନ କିଣିବା ପ୍ରସ୍ତାବକୁ ମଞ୍ଜୁରୀ ମିଳିପାରେ । ଫ୍ରାନ୍ସର ଲଢୁଆ ବିମାନ ରାଫେଲ୍-ଏମ ସମୁଦ୍ରରେ ପଇଁତରା ମାରିବା ସହିତ ଶତ୍ରୁକୁ ବିନାଶ କରିବାର ଶକ୍ତି ରଖୁଛି । ଯେଉଁ କାରଣରୁ ଆଇଏଏନଏସ ବିକ୍ରାନ୍ତରେ ଏହାକୁ ନିୟୋଜିତ କରିବାକୁ ଚିନ୍ତା କରୁଛି ଭାରତ ।