ପୁଣି ଗୃହବନ୍ଦୀ ହେଲେ ମେହବୁବା ମୁଫ୍ତି । ଘର ଆଗରେ ଜଗିଛି ସିଆରପିଏଫ
କନକ ବ୍ୟୁରୋ : ଜମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ପ୍ରମୁଖ ମେହବୁବା ମୁଫ୍ତିଙ୍କୁ ପୁଣିଥରେ ଗୃହବନ୍ଦୀ କରାଯାଇଛି । ଏନେଇ ନିଜେ ମୁଫତି ଟ୍ୱିଟ୍ ଯୋଗେ ସୂଚନା ଦେଇଛନ୍ତି । ଏହାସହ ପୁଣିଥରେ କାଶ୍ମୀର ପଣ୍ଡିତଙ୍କ ସ୍ଥିତିକୁ ନେଇ ସେ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୁଫ୍ତି ତାଙ୍କ ଟ୍ୱିଟରରେ ଲେଖିଛନ୍ତି ଯେ, କେନ୍ଦ୍ର ସରକାର କାଶ୍ମୀର ପଣ୍ଡିତଙ୍କ ଦୁର୍ଦ୍ଦଶାକୁ ଆହୁରି ତଳକୁ ନେଇଯିବାକୁ ଚାହୁଁଛନ୍ତି । ସରକାରଙ୍କ କଠୋର ନୀତି ପରେ ବି ଯେଉଁମାନେ ଘାଟି ଛାଡି ଯାଇ ନାହାଁନ୍ତି ସେମାନଙ୍କୁ ବାଛି ବାଛି ହତ୍ୟା କରାଯାଉଛି । ହେଲେ ଏହା ବିରୋଧରେ ଯେଉଁମାନେ ସ୍ୱର ଉଠାଉଛନ୍ତି ସେମାନଙ୍କୁ ସରକାର ତାଙ୍କର ଶତ୍ରୁ ବୋଲି ଭାବୁଛନ୍ତି । ଏହି କାରଣରୁ ମୋତେ ଗୃହବନ୍ଦୀ କରାଯାଇଛି ବୋଲି ମୁଫ୍ତି ଲେଖିଛନ୍ତି ।
ଏହା ପୂର୍ବରୁ ମୁଫ୍ତି ଆମ୍ ଆଦମୀ ବିରୋଧରେ ପ୍ରଦର୍ଶନକୁ ନେଇ କଂଗ୍ରେସକୁ ଆଲୋଚନା କରିଥିଲେ । ସେ କହିଥିଲେ କି ନିଜେ କଂଗ୍ରେସ କେନ୍ଦ୍ରୀୟ ଯାଂଚ ଏଜେନ୍ସିର ସାମ୍ନା କରୁଥିବା ବେଳେ ଆମ୍ ଆଦମୀ ପାର୍ଟିର ସମର୍ଥନରେ ବିରୋଧୀଙ୍କୁ ଏକଜୁଟ କରିବାରେ ବିଫଳ ହେଉଛି । ଏହାର ଜବାବରେ କଂଗ୍ରେସ ନେତା ମଣିକମ୍ ଟାଗୁର କହିଛନ୍ତି କି ବାସ୍ତବରେ ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ଓ ତାଙ୍କ ସହଯୋଗୀମାନେ ଦୁର୍ନୀତିରେ ସାମିଲ ଅଛନ୍ତି ।