ନୂଆ ଅଧ୍ୟକ୍ଷକୁ ନେଇ ହେଲାନି ନିଷ୍ପତ୍ତି: ସୋନିଆ ଗାନ୍ଧୀ ହିଁ ସମ୍ଭାଳିବେ କଂଗ୍ରେସର କମାଣ
କନକ ବ୍ୟୁରୋ: ୫ ରାଜ୍ୟରେ ବିଧାନସଭା ନିର୍ବାଚନରେ କଂଗ୍ରେସର ଶୋଚନୀୟ ପରାଜୟକୁ ନେଇ ଆଜି ବୈଠକ ଅନୁଷ୍ଠିତ ହୋଇଛି । ଯାହାର ଅଧ୍ୟକ୍ଷତା ପାର୍ଟିର ଅନ୍ତରୀଣ ଅଧ୍ୟକ୍ଷ ସୋନିଆ ଗାନ୍ଧୀ କରିଥିଲେ । ତେବେ ଏହି ବୈଠକରେ ନିଷ୍ପତ୍ତି ହୋଇଛି କି ସୋନିଆଙ୍କ ନେତୃତ୍ୱରେ ହିଁ ଦଳ ଆଗକୁ ବଢିବ । ଏହି ନିଷ୍ପତ୍ତି ଦଳର ସମସ୍ତ ସଦସ୍ୟ ସହମତି ପ୍ରକାଶ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବୈଠକ ଶେଷ ହେବା ପରେ କଂଗ୍ରେସ ନେତା ମଲ୍ଲିକାର୍ଜୁନ ଖଡଗେ କହିଥିଲେ, ସୋନିଆଙ୍କ ନେତୃତ୍ୱରେ କଂଗ୍ରେସ ଆଗକୁ ବଢିବ । ଦଳର ଭବିଷ୍ୟତ ନେଇ ମଧ୍ୟ ନିଷ୍ପତ୍ତି ନେବେ ସୋନିଆ । ସୋନିଆଙ୍କ ନିଷ୍ପତ୍ତି ଉପରେ ଆମର ଭରସା ଅଛି ।
ଏହି ବୈଠକରେ ସୋନିଆ ଗାନ୍ଧୀ କହିଥିଲେ, କିଛି ଲୋକଙ୍କୁ ଲାଗୁଛି ଗାନ୍ଧୀ ପରିବାର ଯୋଗୁଁ ପାର୍ଟି ଦୁର୍ବଳ ହେଉଛି । ଯଦି ସମସ୍ତଙ୍କୁ ଏମିତି ଲାଗୁଛି ତେବେ ମୁଁ କିଛି ବି ତ୍ୟାଗ କରିବାକୁ ପ୍ରସ୍ତୁତ ଅଛି । ଆମର ପ୍ରଥମ ଲକ୍ଷ୍ୟ କଂଗ୍ରେସକୁ ଶକ୍ତିଶାଳୀ କରିବା । ତେବେ ଏଥିରେ ସୋନିଆ ଇସ୍ତଫା ପତ୍ର ମଧ୍ୟ ଦେଖାଇଥିବା ସୂଚନା ମିଳିଛି ।