ପାକିସ୍ତାନରେ ଖାଦ୍ୟ ପରେ ଔଷଧ ସଂକଟ । ଲୋକ ଖାଉଛନ୍ତି ନକଲି ଔଷଧ
କନକ ବ୍ୟୁରୋ : ଖାଇବା ବିନା ଭୋକରେ ଆଉଟୁ ପାଉଟୁ ହେଉଥିବା ପାକିସ୍ତାନ ଏବେ ଔଷଧ ପାଇଁ ଡହଳ ବିକଳ ହେଉଛି । ଦେଶରେ ଔଷଧକୁ ନେଇ ଏଭଳି ପରିସ୍ଥିତି ସୃଷ୍ଟି ହୋଇଥିବା ବେଳେ ଔଷଧକୁ ନେଇ କଳାବଜାରୀ ଆରମ୍ଭ ହୋଇଯାଇଛି । ଦେଶରେ ନକଲି ଔଷଧ ବଜାର ଗରମ ହୋଇଉଠିଛି । ଯାହାକୁ ନେଇ ଔଷଧର ମୂଲ୍ୟ ଅହେତୁକ ବୃଦ୍ଧି ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଦିନକୁ ଦିନ ପାକିସ୍ତାନୀ ମୁଦ୍ରାର ମୂଲ୍ୟ ତଳକୁ ଖସୁଥିବା ବେଳେ ବିଦେଶରୁ ଔଷଧ ତିଆରି ପାଇଁ କଞ୍ଚାମାଲ କିଣିବା ମହଙ୍ଗା ପଡୁଛି । ତେଣୁ ଔଷଧ ତିଆରି କରୁଥିବା କମ୍ପାନୀଗୁଡିକ ଔଷଧର ମୂଲ୍ୟ ୩୮ପ୍ରତିଶତ ବୃଦ୍ଧି କରିବାକୁ ଦାବି କରିଛନ୍ତି । କିନ୍ତୁ ପାକିସ୍ତାନର ସ୍ୱାସ୍ଥ୍ୟ ମନ୍ତ୍ରାଳୟ କୌଣସି ଆକ୍ସନ ନେଉନାହିଁ । ଯାହାକୁ ନେଇ ଔଷଧ ଉତ୍ପାଦନକାରୀ କମ୍ପାନୀ ଔଷଧ ତିଆରି କରିପାରୁନାହାନ୍ତି ।
ଅନ୍ୟପଟେ ପାକିସ୍ତାନରେ ଜରୁରୀ ଔଷଧର ଘୋଷ ଅଭାବ ଦେଖାଦେଇଥିବାରୁ ଲୋକଙ୍କୁ ଅନେକ ସମସ୍ୟା ଭୋଗିବାକୁ ପଡୁଛି । ଲୋକ ସାମାନ୍ୟ ଔଷଧକୁ କିଣିବା ପାଇଁ ତାଙ୍କୁ ଅଧିକରୁ ଅଧିକ ଟଙ୍କା ଦେବାକୁ ପଡୁଛି । ଆଉ ଯେଉଁମାନଙ୍କ ପାଖରେ ଟଙ୍କାର ଅଭାବ ରହିଛି ସେମାନେ ବାଧ୍ୟ ହୋଇ ନକଲି ଔଷଧ ସେବନ କରୁଛନ୍ତି ।