ଓସ୍କାର ଚିଟଫଣ୍ଡ କ୍ଷତିଗ୍ରସ୍ତଙ୍କ ହାତରେ ଓଲିଉଡ କଳାକାରଙ୍କ ଫଟୋ : କ୍ରାଇମବ୍ରାଂଚ କାର୍ଯ୍ୟାଳୟ ଆଗରେ ଗୁଜରାଟ ଜମାକାରୀଙ୍କ ବିକ୍ଷୋଭ
କନକ ବ୍ୟୁରୋ : ଓଡ଼ିଶା ରାଜରାସ୍ତାରେ ଗୁଜରାଟ ଜମାକାରୀଙ୍କ ବିକ୍ଷୋଭ । ଜମା ଟଙ୍କା ଫେରି ପାଇବା ଦାବିରେ କ୍ରାଇମ ବ୍ରାଂଚ ଅଫିସ ସମ୍ମୁଖରେ ଦେଲେ ଧାରଣା ଦେଲେ ଜମାକାରୀ । ହାତରେ ଓଲିଉଡର ନାମୀଦାମୀ ଷ୍ଟାରଙ୍କ ଫଟୋକୁ ଧରି ବିକ୍ଷୋଭ କରୁଛନ୍ତି ଗୁଜରାଟର ଜମାକାରୀ । ଜମା ଟଙ୍କା ପାଇବା ଆଶାରେ ଦୁଇଦିନ ହେଲା ଓଡିଶା ରାଜରାସ୍ତା ପାଖରୁ ଆରମ୍ଭ କରି କ୍ରାଇମ୍ ବ୍ରାଚଂ ଅଫିସ ଯାଏଁ ସବୁଠି କରୁଛନ୍ତି ବିଷୋଭ । ଓଲିଉଡର ସୁପରଷ୍ଟାରଙ୍କ ଫଟୋକୁ ଧରି ଆନ୍ଦୋଳନ କରୁଥିବାବେଳେ କ୍ୟାମେରା ଆଗରେ ବଖାଣିଛନ୍ତି ସେମାନଙ୍କ ଦୁଃଖ କାହାଣୀ । ଅଭିଯୋଗ କରିଛନ୍ତି, ଏହି ସବୁ କଳାକାରମାନେ ଟଙ୍କା ଜମା କରିବା ପାଇଁ ପ୍ରଭାବିତ କରିଥିଲେ । ଯାହାର କରୁଣ ପରିଣାମ ଭୋଗୁଛନ୍ତି ସେମାନଙ୍କ ପରିବାର ।
Kanak News is now on WhatsApp
Join and get latest news updates delivered to you via WhatsApp
ଓସ୍କାର ଚିଟଫଣ୍ଡରେ ଟଙ୍କା ଜମା କରିବାକୁ ପ୍ରଲୋଭିତ କରିବା ଅଭିଯୋଗରେ ଓଲିଉଡର ବହୁ ନାମୀ ଦାମୀ କଳାକାରଙ୍କ ନାଁ ମଧ୍ୟ ସଂଦେହ ଘେରକୁ ଆସିଥିଲା । ଉତ୍ତମ ମହାନ୍ତି, ପପୁ ପମପମ, ଜିନା, ଲିପି ଆଦି ଓଲିଉଡର କଳାକାର ଗୁଜରାଟର ବିଭିନ୍ନ କାର୍ଯ୍ୟକ୍ରମରେ ଯୋଗଦେଇ ଓସ୍କାର ପାଇଁ ପ୍ରଚାର କରିଥିଲେ ବୋଲି ଅଭିଯୋଗ ହୋଇଥିଲା । ଆଜି ଏହି ସବୁ କଳାକାରଙ୍କ ଫଟୋକୁ ଧରି ବିଷୋଭ କରିଥିବା ବେଳେ କାହିଁକି ସେମାନଙ୍କ ଉପରେ ବି କୌଣସି ଆକ୍ସନ ନିଆଯାଉନାହିଁ ବୋଲି ପ୍ରଶ୍ନ କରିଛନ୍ତି ଗୁଜରାଟର କ୍ଷତିଗ୍ରସ୍ତ ଜମାକାରୀ ।
ଓସ୍କାର ଠକେଇର ତଦନ୍ତ କରୁଛି କ୍ରାଇମବ୍ରାଂଚର ଇଓଡବ୍ଲୁ । ଗତବର୍ଷ ସଂସ୍ଥାର ମୁଖ୍ୟ ପ୍ରଭାସ ରାଉତଙ୍କୁ ଗିରଫ କରାଯାଇଥିଲା । ଓସ୍କାର ଠକେଇର ତଦନ୍ତ ଚାଲିଥିଲା ହେଲେ କିପରି କ୍ଷତିଗ୍ରସ୍ତ ସେମାନଙ୍କ ଟଙ୍କା ଫେରିପାଇବେ, ଏ ନେଇ କେହି ଚିନ୍ତା କରୁନଥିବା ଅଭିଯୋଗ ହୋଇଛି ।