ରାତି ୯ଟା ପର୍ଯ୍ୟନ୍ତ ଖୋଲା ରହିବ ମଲ, ଦୋକାନବଜାର । ଭିଡ ହେଲେ ୭ ଦିନ ହେବ ସିଲ, ଜାଣନ୍ତୁ କେଉଁମାନଙ୍କୁ ପ୍ରବେଶ ପାଇଁ ମିଳିବ ଅନୁମତି?
କନକ ବ୍ୟୁରୋ : ଓମିକ୍ରନ ଭୟ ଭିତରେ ରାଜ୍ୟ ସରକାର ନୂଆ ଗାଇଡଲାଇନ ଜାରି କରିଛନ୍ତି । ବିଭିନ୍ନ କ୍ଷେତ୍ରରେ କଟକଣା ଲଗାଇ ଥିଲେ ମଧ୍ୟ ଜୀବନ ସହ ଜୀବିକା ଉପରେ ଗୁରୁତ୍ୱ ଦେଇଛନ୍ତି । ଖାସକରି ଦୋକାନ, ବଜାର, ମଲରେ ଅଧିକ ଭିଡ ଜମୁଥିବାରୁ ଏଠାରେ କଟକଣାକୁ କଡାକଡି କରିବାକୁ କୁହାଯାଇଛି । ସମସ୍ତ ଦୋକାନ ବଜାର ରାତି ୯ଟା ପର୍ଯ୍ୟନ୍ତ ଖୋଲା ରହି ପାରିବ । ସପିଂ ମଲ ଓ ମାର୍କେଟ କମ୍ଲେକ୍ସ ପାଇଁ ମଧ୍ୟ ସମାନ ନିୟମ ରହିଛି । ତେବେ ମଲ ଭିତରେ ଫୁଡ୍ କୋର୍ଟ ଖୋଲାରହିବ କିନ୍ତୁ ଏଠାରେ ବସି କେହି ଖାଇପାରିବେ ନାହିଁ । କେବଳ ପାର୍ସଲ ପାଇଁ ଅନୁମତି ମିଳିଛି । ତେବେ ମଲକୁ ପ୍ରବେଶ ପୂର୍ବରୁ ଲୋକଙ୍କର ସ୍କ୍ରିନିଂ ସହ ମାସ୍କ ବ୍ୟବହାର ଓ ସାମାଜିକ ଦୂରତା ଉପରେ ଗୁରୁତ୍ୱ ଦେବାକୁ କୁହାଯାଇଛି । ମଲ ଭିତରେ କୌଣସି ମତେ ଭିଡ ନ କରିବାକୁ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସବୁଠୁ ବଡ କଥା ହେଲା ମଲ,ମାର୍କେଟ କମ୍ଲେକ୍ସ ଭିତରକୁ ଯେଉଁମାନେ ପ୍ରବେଶ କରିବେ ସେମାନେ ଟିକାର ୨ଟି ଡୋଜ ନେଇଥିବା ଆବଶ୍ୟକ । ଏହାବାଦ୍ ୧୦୦ ସ୍କୋୟାର ଫୁଟ୍ ପରିସରରେ ୪ ଜଣରୁ ଅଧିକ ଜଣ ଏକାଠି ଛିଡା ହୋଇପାରିବେନି । ହଲ, ମଲ, ବଜାରଘାଟ, ଅଡିଟୋରିୟମ ଭଳି ସ୍ଥାନରେ ଭିଡ ହେବନି । ମଲ,ଦୋକାନ ସାମ୍ନାରେ ଓ ଭିତରେ ଯେପରି ଭିଡ ନହେବ ସେଥିପ୍ରତି ମାଲିକମାନେ ଦୃଷ୍ଟି ଦେବେ । ଯଦି ଏହି ସବୁ ସ୍ଥାନରେ କରୋନା ନିୟମର ଉଲ୍ଲଂଘନ ହୁଏ ତେବେ ୭ ଦିନ ସିଲ କରାଯିବ ଏବଂ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।