ବିଦେଶ ଯାଉନି ଓଡ଼ିଶାର ପାନ। ବଜାର ଅଭାବ ସହ ସରକାରଙ୍କ ଉଦାସୀନତା ଯୋଗୁ କ୍ଷତି ସହୁଛି ଚାଷୀ ।
କନକ ବ୍ୟୁରୋ: ଏବେ ଆଉ ବିଦେଶ ଯାଉନି ଓଡ଼ିଶାର ପାନ । ପ୍ରଭାବିତ ହୋଇଛନ୍ତି ପାନ ଚାଷୀ । କେତେବେଳେ ବଜାର ଅଭାବ ଆଉ କେତେବେଳେ ସରକାରଙ୍କ ଉଦାସୀନତା ଯୋଗୁ ପାନ ଚାଷରେ ବେଶ ପ୍ରଭାବ ପଡିଛି । ବିଭିନ୍ନ ସ୍ଥାନରେ ପାନ ଚାଷ ହେଉଥିବା ବେଳେ ଏବେ ବ୍ୟବସାୟ ସମ୍ପୂର୍ଣ୍ଣ ମାନ୍ଦା ପଡିଯାଇଛି । ଖାସ କରି ନିଆଳି ବରଜରୁ ବାହାରୁଥିବା ପାନ ବାହାରକୁ ଚାଲାଣ ହେଉଥିବା ବେଳେ ଏବେ କିନ୍ତୁ ସ୍ଥିତି ବଦଳିଯାଇଛି । ଆଉ ବରଜରୁ ପାନ ୩ ବର୍ଷ ହେଲା ବିଦେଶ ଯାଉନି ।
Kanak News is now on WhatsApp
Join and get latest news updates delivered to you via WhatsApp
ପାନ ଟ୍ରକ ଉପରେ ଅଧିକ ମାତ୍ରାରେ ଭାଟ୍ ସହ ବାହର ଦେଶରେ ପାନ ନେବା ଏବେ ବନ୍ଦ କରିଦିଆଯାଇଛି । ଯାହାଫଳରେ ବାହାର ମାର୍କେଟରେ ଚାଷୀ ମାନେ ଶାଗ ମାଛ ଦରରେ ବିକ୍ରି କରୁଛନ୍ତି ପାନ । କରୋନା ହେଉ କି ବାତ୍ୟା ଯୋଗୁ ପାନ ବରଜ ନଷ୍ଟ ହୋଇଯାଇଥିବା ବେଳେ ଏବେ ବି ଚାଷୀ ଅଣ୍ଟା ସଳଖି ପାରିନି । ଯେଉଁ ପାନକୁ ହଜାରରେ ବିକ୍ରି ହେଉଥିଲା ତାହା ଏବେ ୨୦୦ରେ ବିକ୍ରି ହେଉଛି । ଏହା ଉପରେ ନିର୍ଭର କରି ପରିବାର ଚଳାଉଥିବା ନିଆଳିର ପ୍ରାୟ ୪ହଜାରରୁ ଅଧିକ ପାନ ଚାଷୀ ଏହି ଚାଷରୁ ମୁହଁ ଫେରାଇ ନେଲେଣି । ଉପକୂଳ ଓଡ଼ିଶାରେ ପାନ ଏକ ଲାଭଦାୟକ ଫସଲ ହୋଇଥିବା ବେଳେ ଚାଷୀଙ୍କ ପ୍ରତି ସରକାରଙ୍କ ବିମୁଖ ଭାବ ଯୋଗୁ ଚାଷୀ ମୁଣ୍ଡରେ ପଡିଛି ଚଡକ ।