ଦେଶରେ କୌଣସି ଧର୍ମ ଅସୁରକ୍ଷିତ ନୁହେଁ । ଡୋଭାଲଙ୍କ ବଡ ବୟାନ୍
କନକ ବ୍ୟୁରୋ : ଦେଶରେ କୌଣସି ବି ଧର୍ମର ଲୋକ ଅସୁରକ୍ଷିତ ନାହାନ୍ତି । ସବୁ ଧର୍ମର ଲୋକଙ୍କୁ ଭାରତରେ ସମାନ ଅଧିକାର ଦିଆଯାଇଛି । ସମସ୍ତେ ତାଙ୍କର ଧର୍ମ ଓ ସଂସ୍କୃତିକୁ ନେଇ ଆଗକୁ ବଢୁଛନ୍ତି । ଏଥିରେ କେହି ବି କୌଣିସି ବାଧା ସୃଷ୍ଟି କରିବେ ନାହିଁ । ଏକ ସଭାରେ ଜାତୀୟ ସୁରକ୍ଷା ପରାମର୍ଶଦାତା ଅଜିତ୍ ଡୋଭାଲ୍ ତାଙ୍କ ବୟାନରେ କହିଛନ୍ତି । ଡୋଭାଲ ଆହୁରି ମଧ୍ୟ କହିଛନ୍ତି କି, ପବିତ୍ର କୁରାନ୍ ବିଭିନ୍ନ ବର୍ଗର ଲୋକଙ୍କ ମଧ୍ୟରେ ଏକତା ବଢାଇଥାଏ ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ଆତଙ୍କବାଦ ଉପରେ ଡୋଭାଲ କହିଛନ୍ତି, ଭାରତ ମଧ୍ୟ ଅନ୍ୟ କେତେକ ଦେଶଙ୍କ ଭଳି ଆତଙ୍କବାଦ ସହ ଲଢିଆସୁଛି । ଆତଙ୍କବାଦ ବିରୋଧୀ ଯୁଦ୍ଧରେ ଭାରତ ଆଇନ ଶୃଙ୍ଖଳା, ନାଗରିକଙ୍କ ଅଧିକାର ତଥା ମାନବିକ ମୂଲ୍ୟବୋଧ ତଥା ଅଧିକାରର ସୁରକ୍ଷାକୁ ଦୃଷ୍ଟିରେ ରଖି କାର୍ଯ୍ୟ କରିଥାଏ । ସେ କହିଛନ୍ତି, ‘ଭାରତ ଏକ ଅତ୍ୟନ୍ତ ଦାୟିତ୍ ସମ୍ପର୍ଣ୍ଣ ଶକ୍ତି, କିନ୍ତୁ ଯେତେବେଳେ ଆତଙ୍କବାଦୀଙ୍କ ସୁରକ୍ଷିତ ଆଶ୍ରୟସ୍ଥଳୀ ବିରୁଦ୍ଧରେ କଠୋର କାର୍ୟ୍ୟାନୁଷ୍ଠାନର ଆବଶ୍ୟକତା ପଡିଥାଏ, ସେତେବେଳେ ଆମେ ଆମର ଜାତୀୟ ସ୍ୱାର୍ଥରେ ଆତଙ୍କବାଦକୁ ନିପାତ କରିବା ପାଇଁ ସମସ୍ତ ପ୍ରକାର ଉଦ୍ୟମ କରିଛୁ।