କନକ ବ୍ୟୁରୋ : ବାହାନଗା ରେଳ ଦୁର୍ଘଟଣା ପରେ, ରେଳ ସୁରକ୍ଷାକୁ ଗୁରୁତ୍ୱ ଦେଇଛି ବିଭାଗ । ଏଥିପାଇଁ ରେଳବାଇ ବୋର୍ଡ ପକ୍ଷରୁ ନୂଆ ମାର୍ଗଦର୍ଶିକା ଜାରି କରାଯାଇଛି । ରେଳବୋର୍ଡର ଭିତିଭୂମି ସଦସ୍ୟ ରୂପ ନାରାୟଣ ସୁନକାର ରେଳ ଧାରଣାର ସୁରକ୍ଷା ନେଇ ବିଭିନ୍ନ ଜୋନର ଜେନେରାଲ ମ୍ୟାନେଜରଙ୍କୁ ମାର୍ଗଦର୍ଶିକା ଜାରି କରିଛନ୍ତି । ଏଥିରେ ରେଳ ଚଳାଚଳ କ୍ଷେତ୍ରରେ ସମୟାନୁବର୍ତିତା ଅପେକ୍ଷା ସୁରକ୍ଷାକୁ ଅଧିକ ଗୁରୁତ୍ୱ ଦେବାକୁ କୁହାଯାଇଛି ।
ନୁୂଆ ମାର୍ଗଦର୍ଶିକା..
– ରକ୍ଷଣାବେକ୍ଷଣ ପାଇଁ ନିୟୋଜିତ କ୍ଷେତ୍ର ଅଧିକାରୀ କେବଳ ସେହି କାର୍ଯ୍ୟରେ ସମୟ ଦେବେ ଓ ଅଧିକାଂଶ ସମୟ ଫିଲ୍ଡରେ ରହିବେ
– ରକ୍ଷଣାବେକ୍ଷଣ ଓ ମରାମତି ପାଇଁ ସମୟାନୁବର୍ତ୍ତିତା ପାଳନ କରିବେ
– କୌଣସି ଇଂଜିନିୟର ମରାମତି ବେଳେ ସର୍ଟକଟ୍ ବା ସହଜ ଉପାୟ ଅବଲମ୍ବନ ନକରିବା ଉପରେ ଗୁରୁତ୍ୱ ଦେବେ
– ରକ୍ଷଣାବେକ୍ଷଣ ଓ ମରାମତି କାର୍ଯ୍ୟ ବେଳେ ଆବଶ୍ୟକ ଅନୁଯାୟୀ ଯଥେଷ୍ଟ ସମୟ ପାଇଁ ରେଳ ଚଳାଚଳ ବନ୍ଦ କରାଯାଇପାରିବ
– ଯନ୍ତ୍ରୀ ବା ଶ୍ରମିକ କେମିତି ବିନା କୌଣସି ଦ୍ୱିଧାରେ କାମ କରିପାରିବେ, ସେହି ଅନୁସାରେ ମରାମତି ପାଇଁ ସମୟ ନିର୍ଦ୍ଧାରଣ କରାଯିବ
– ବରିଷ୍ଠ ଅଧିକାରୀମାନେ ଫିଲ୍ଡକୁ ଯାଇ ତଦାରଖ କରିବା ସହ କାର୍ଯ୍ୟରତ କନିଷ୍ଠ ଯନ୍ତ୍ରୀଙ୍କୁ ମାର୍ଗଦର୍ଶନ କରିବେ
– ମୌସୁମୀ ଋତୁ ପୂର୍ବରୁ ପ୍ରତିଶେଧମୂଳକ ବ୍ୟବସ୍ଥା ତୁରନ୍ତ ଗ୍ରହଣ କରାଯିବ
Kanak News is now on WhatsApp
Join and get latest news updates delivered to you via WhatsApp
ବାହାନଗା ଟ୍ରେନ୍ ଦୁର୍ଘଟଣା ପରେ ରେଳ ବିଭାଗକୁ ଚାରି ଆଡୁ ସମାଲୋଚନା କରାଯାଉଛି । କେମିତି ସୁରକ୍ଷିତ ଭାବେ ଟ୍ରେନ୍ ଚଳାଚଳ କରିବ ତା ଉପରେ ଭାରତୀୟ ରେଳବାଇ ଗୁରୁତ୍ୱ ଦେଉନଥିବା ବିରୋଧୀ ଅଭିଯୋଗ କରିଛନ୍ତି । ବିଶେଷଜ୍ଞମାନେ ମଧ୍ୟ ଦ୍ରୁତ ଗତି ନୁହେଁ, ସୁରକ୍ଷିତ ଟ୍ରେନ୍ ଯାତ୍ରା ନିଶ୍ଚିତ କରିବାକୁ ରେଳବାଇକୁ ପରାମର୍ଶ ଦେଇଛନ୍ତି ।