ଚୌଦ୍ୱାର ଜେଲରେ ଗୋପାଳର ହାବଭାବକୁ ନେଇ ବଢିଲା ଚର୍ଚ୍ଚା : ଜେଲରେ ପଶିଲା ବେଳେ ହାତ ଯୋଡି ନମସ୍କାର ସହ ମୁଣ୍ଡିଆ ମାରିଲା ଅଭିଯୁକ୍ତ
କନକ ବ୍ୟୁରୋ : ମନ୍ତ୍ରୀ ନବ ଦାସ ହତ୍ୟାକାଣ୍ଡର ଅଭିଯୁକ୍ତ ଗୋପାଳ ଦାସ ଚୌଦ୍ୱାର ଜେଲକୁ ଆସିଛି । ଜେଲରେ ଥିିବା ଗୋପାଳର ବିଭିନ୍ନ କାର୍ଯ୍ୟକଳାପ ଏବେ ଚର୍ଚ୍ଚାର ପ୍ରସଙ୍ଗ ପାଲଟିଛି । ଜେଲର ମୁଖ୍ୟ ଗେଟରେ ପଶିବା ବେଳେ ଗୋପାଳ ହାତ ଯୋଡି ନମସ୍କାର କରିବା ଓ ଗେଟ ଡେଇଁବା ପରେ ମାଟିରେ ମୁଣ୍ଡ ଲଗାଇ ମୁଣ୍ଡିଆ ମାରୁଥିବା ଭିଡିଓ ସାମ୍ନାକୁ ଆସିଛି । ଜେଲକୁ ପ୍ରବେଶ ସମୟରେ ପୁଲିସ ଅଧିକାରୀଙ୍କ ହାତରୁ ବାହାରି ଆସି ଗୋପାଳ ମୁଣ୍ଡିଆ ମାରିବା ଘଟଣା ଉପସ୍ଥିତ ପୁଲିସ କର୍ମଚାରଙ୍କୁ ମଧ୍ୟ ଚକିତ କରିଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଗତକାଲି ସକାଳୁ ଖବର କାଗଜ ପଢିବା ପରେ ଗୋପାଳ ସକାଳ ଜଳଖିଆରେ ସହ ପୁରୀ, ମଟର ତରକାରୀ ଖାଇଥିଲା । ଏହାପରେ ଜେଲ କର୍ମଚାରୀଙ୍କୁ ମାଗାଜିନ ଓ ବହି ମାଗି ଦିନ ସାରା ପଢାପଢି କରିଥିବା ସୂଚନା ମିଳିଛି । ଦିନରେ ତାକୁ ଭାତ, ଡାଲି, ଭଜା ଓ ଚିକେନ ତରକାରୀ ଖାଇବାକୁ ଦିଆଯାଇଥିଲା । ଗୋପାଳ ସ୍ୱାଭାବିକ ଭାବେ ଖାଦ୍ୟ ଗ୍ରହଣ କରିଥିବା ବେଳେ ଆଦୌ ବ୍ୟସ୍ତବିବ୍ରତ ନଥିବା ଜଣାପଡିଛି । ଜେଲ ଭିତରେ ଗୋପାଳର ହାଭଭାବ ନଜର ରଖିବା ସହ ତାର ସ୍ୱାସ୍ଥ୍ୟବସ୍ଥା ଯାଂଚ ପାଇଁ ଏକ ତିନି ଜଣିଆ ଡାକ୍ତରୀ ଦଳ ଗଠନ କରାଯାଇଛି । ଗୋପାଳ ପ୍ରକୃତରେ ମାନସିକ ରୋଗୀ କି ନାହିଁ ଯାଂଚ କରିବା ପାଇଁ ଜେଲ କର୍ତ୍ତୃପକ୍ଷ ନିଷ୍ପତ୍ତି ନେଇଥିବା ସୂଚନା ମିଳିଛି ।