କାଶ୍ମୀର ଜେଲ୍ ଡିଜି ହେମନ୍ତ ଲୋହିଆଙ୍କୁ ହତ୍ୟା । ଡିପ୍ରେସନର ଶିକାର ଥିଲା ହତ୍ୟାକାରୀ ୟାସିର । ହାତଲେଖା ଡାଏରୀରୁ ମିଳିଲା ପ୍ରମାଣ
କନକ ବ୍ୟୁରୋ: ପୁଣି କାଶ୍ମୀର ଘାଟିର ସୁରକ୍ଷା ପ୍ରସଙ୍ଗକୁ ନେଇ ଉଠିଲା ପ୍ରଶ୍ନ । ବଲିଉଡ୍ ଫିଲ୍ମର କାହାଣୀ ପରି କେମିତି ଜଣେ ଜେଲ୍ ଡିଜିଙ୍କୁ ହତ୍ୟା କରାଯାଇଥିଲା ତାହାର କାହାଣୀ ଏବେ ସାମ୍ନାକୁ ଆସିଛି । ଧରା ପଡିଛି କାଶ୍ମୀର ଜେଲ୍ ଡିଜି ହେମନ୍ତ କୁମାର ଲୋହିଆଙ୍କ ହତ୍ୟାକାରୀ । ଡିଜି ହେମନ୍ତ ଲୋହିଆଙ୍କ ସହଯୋଗୀ ୟାସିର ଅହମ୍ମଦ ହିଁ ତାଙ୍କୁ ହତ୍ୟା କରିଥିବା ଜଣାପଡିଛି । ୬ମାସ ଧରି ଜେଲ୍ ଡିଜିଙ୍କ ସହଯୋଗୀ ଭାବେ କାମ କରୁଥିବା ୟାସିର ଅତି ନିର୍ମମ ଭାବେ ତାଙ୍କୁ ହତ୍ୟା କରିଥିଲା । ଆଉ ହତ୍ୟା କରିବା ପରେ ଘଟଣା ସ୍ଥଳରୁ ହୋଇଥିଲା ଫେରାର ।
Kanak News is now on WhatsApp
Join and get latest news updates delivered to you via WhatsApp
ଜମ୍ମୁକଶ୍ମୀର ଭଳି ସମ୍ବେଦନଶୀଳ ଜାଗାରେ ଜେଲ୍ ଡିଜି ହେମନ୍ତ ଲୋହିଆଙ୍କ ହତ୍ୟାକୁ ନେଇ ସାରା ଦେଶରେ ଚର୍ଚ୍ଚା ଜୋର ଧରିଥିବା ବେଳେ ଏହି ହତ୍ୟାକାଣ୍ଡର କାହାଣୀ ବଲିଉଡ୍ ଫିଲ୍ମର କାହାଣୀଠାରୁ କିଛି କମ୍ ନୁହେଁ । ସହଯୋଗୀ ଶେଷରେ ପାଲଟିଗଲା ହତ୍ୟାକାରୀ । ଏହି ହତ୍ୟାକାଣ୍ଡ ମୁଖ୍ୟ ଅଭିଯୁକ୍ତ ୟାସିର ଲୋହାର ଗତ ୬ ମାସ ହେବ ଡିଜିଙ୍କ ଘରେ କାମ କରୁଥିଲା । ହେମନ୍ତ ଲୋହିୟା ସୋମବାର ରାତିରେ ଖାଇସାରି ଶୋଇବା ପୂର୍ବରୁ ସହାୟକ ୟାସୀରଙ୍କୁୁ ଡାକିଥିଲେ । ତାଙ୍କ ଗୋଡରେ ଲାଗିଥିବା ଏକ କ୍ଷତ ଉପରେ ମଲମ ଲଗାଇବାକୁ ୟାସିରକୁ କହିଥିଲେ । ମଲମ ଲଗାଉଥିବା ସମୟରେ ୟାସିର ହଠାତ ଆକ୍ରମଣ କରିଥିଲା ଓ କାଚ ବୋତଲରେ ଡିଜିଙ୍କ ଗଳା କାଟି ହତ୍ୟା କରିଥିଲା । କେବଳ ସେତିକି ନୁହେଁ ହତ୍ୟା କରିବା ପରେ ମୃତ ଶରୀରକୁ ପୋଡିବାକୁ ମଧ୍ୟ ଚେଷ୍ଟା କରିଥିଲା, ହେଲେ ଘର ଭିତରୁ ଧୁଆଁ ଦେଖି ସେଠାରେ ଥିବା ସୁରକ୍ଷାକର୍ମୀ ଆସିଥିଲେ ଓ ଏହାକୁ ଦେଖି ୟାସିର ଫେରାର ହୋଇଥିଲା ।
- ଡିପ୍ରେସନର ଶିକାର ଥିଲା ୟାସିର
- ହାତଲେଖା ଡାଏରୀରୁ ମିଳିଲା ପ୍ରମାଣ
ହତ୍ୟାକାରୀ ୟାସିର ଲୋହାରକୁ ପୋଲିସ୍ ଗିରଫ କରିଥିବା ବେଳେ ତାର ହାତଲେଖା ଡାଏରୀରୁ ଗୁରୁତ୍ୱପୂର୍ଣ୍ଣ ତଥ୍ୟ ପାଇଛି । ୟାସିର ଡିପ୍ରେସନର ଶୀକାର ଥିଲା ଓ ନିଜେ ମଧ୍ୟ ମରିଯିବାକୁ ଚାହୁଁଥିଲା । ଏକଥା ନିଜ ଡାଏରୀରେ ଲେଖିଛି । ଅନ୍ୟପକ୍ଷରେ ଆତଙ୍କବାଦୀ ସଂଗଠନ ଟିଆରଏଫ ଏହି ହତ୍ୟାକାଣ୍ଡ ପାଇଁ ନିଜକୁ ଦାୟୀ କରିଛି । ଗୃହମନ୍ତ୍ରୀ ଅମିତ ଶହାଙ୍କ ଜମ୍ମୁ୍କାଶ୍ମୀର ଗସ୍ତ ବେଳେ ଜଣେ ବରିଷ୍ଠ ପୋଲିସ ଅଧିକାରୀଙ୍କ ହତ୍ୟା ଘାଟିର ସୁରକ୍ଷା ପ୍ରସଙ୍ଗକୁ ପୁଣି ସାମ୍ନାକୁ ଆଣିଛି । ଏହାକୁ ନେଇ ମୋଦୀ ସରକାରକୁ ଟାର୍ଗେଟ କରିଛନ୍ତି ବିରୋଧୀ