ଅତ୍ୟାବଶ୍ୟକ ମେଡିସିନର ସର୍ବାଧିକ ମୂଲ୍ୟ ନିର୍ଦ୍ଧାରଣ କଲେ ସରକାର । ଶସ୍ତା ହେଲା ପାରାସିଟାମୋଲ ମେଡିସିନ୍ ।
କନକ ବ୍ୟୁରୋ: ଶସ୍ତା ହେଲା ମେଡିସିନ୍ । କ୍ୟାନସର, ମଧୁମେହ, ଜ୍ୱର ଓ ହେପାଟାଇଟିସ୍ ଭଳି ରୋଗରେ ଚିିକିତ୍ସା ପାଇଁ ଆବଶ୍ୟକ ହେଉଥିବା ମେଡିସିନ୍ ଶସ୍ତା ହେଇଛି । ପୂୂୂର୍ବ ଅପେକ୍ଷା ଏହି ରୋଗର ମେଡିସିନ୍ ଏବେ ୪୦ ପ୍ରତିଶତ ଶସ୍ତାରେ ମିଳିବ । ତେବେ ଜ୍ୱରରେ ପଡିଥିବାବେଳେ କାମରେ ଆସୁଥିବା ପାରାସିଟାମୋଲ ମେଡିସିନ୍ ମଧ୍ୟ ୧୨ ପ୍ରତିଶତ କମ୍ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଅତ୍ୟାବଶ୍ୟକ ମେଡିସିନ୍ ଲିଷ୍ଟରେ ସାମିଲ ଥିବା ୧୧୯ ମେଡିସିନର ସର୍ବାଧିକ ମୂଲ୍ୟ ନିର୍ଦ୍ଧାରଣ କରିଛନ୍ତି ସରକାର । ଯାହା ଭିତରେ ଏହି ସବୁ ମେଡିସିନ୍ ସାମିଲ ଅଛି । ତେବେ ନ୍ୟାସନାଲ ଫାର୍ମାସ୍ୟୁଟିକାଲ ପ୍ରାଇସିଂ ଅଥୋରିଟି ବୈଠକରେ ଏହି ୧୧୯ ପ୍ରକାର ମେଡିସିନର ସର୍ବାଧିକ ମୂଲ୍ୟ ନିର୍ଦ୍ଧାରଣ କରାଯାଇଛି ।
ସୂଚନାଯୋଗ୍ୟ ଯେ, କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ଅତ୍ୟାବଶ୍ୟକ ମେଡିସିନ୍ ଲିଷ୍ଟ ଜାରି କରିଥାଏ । ଚଳିତବର୍ଷ ସେପ୍ଟେମ୍ବର ମାସରେ ଏହି ଲିଷ୍ଟ ଜାରି କରାଯାଇଥିଲା । ଏହି ଲିଷ୍ଟରେ ୨୭ଟି ଶ୍ରେଣୀରେ ୩୮୪ ମେଡିସିନ୍ ସାମିଲ ଥିଲା । ତେବେ ଚଳିତଥର ଏହି ଲିଷ୍ଟରେ ୩୪ ନୂଆ ମେଡିସିନ୍ ସାମିଲ ହେବା ସହିତ ୨୬ଟି ମେଡିସିନକୁ ଅତ୍ୟାବଶ୍ୟକ ମେଡିସିନ୍ ଲିଷ୍ଟରୁ ହଟେଇ ଦିଆଯାଇଛି ।