ମିଛ ପୋଷ୍ଟ, ମିଛରେ ଗିରଫ । ୟୁଟ୍ୟୁବର ମନୀଷ କଶ୍ୟପ ବିରୋଧରେ ବିହାର ପୋଲିସର ଏଫଆଇଆର । ମିଛ କଥା ପ୍ରଘଟ କରୁଥିବାରୁ ଆକ୍ସନ ।
କନକ ବ୍ୟୁରୋ: ବିବାଦରେ ଚର୍ଚ୍ଚିତ ୟୁଟ୍ୟୁବର ମନୀଷ କଶ୍ୟପ । ବିହାର ପୋଲିସ ଏହି ୟୁଟ୍ୟୁବରଙ୍କ ବିରୋଧରେ ପୁଣି ଏକ ଏଫଆଇଆର ରୁଜୁ କରିଛି । ତେବେ ମିଛରେ ପୋଲିସ ତାଙ୍କୁ ଗିରଫ କରୁଥିବା କଥା ପ୍ରଘଟ କରୁଥିବାରୁ ମନୀଷ କଶ୍ୟପଙ୍କ ବିରୋଧରେ ଏହି ଏଫଆଇଆର ରୁଜୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଅସଲ କଥା ହେଉଛି, ତାମିଲନାଡୁରେ ରହୁଥିବା କିଛି ବିହାରୀ ଶ୍ରମିକଙ୍କୁ ନେଇ ମିଛ କଥା ପ୍ରଘଟ କରିଥିବା ମନୀଷ କଶ୍ୟପଙ୍କ ବିରୋଧରେ ଅଭିଯୋଗ ଆସିଥିଲା । ଏହି ମାମଲାରେ ବିହାର ପୋଲିସ ଆକ୍ସନ ନେବା ସହିତ ମନୀଷଙ୍କ ବିରୋଧରେ ଏଫଆଇଆର ରୁଜୁ କରିଥିଲା । ଖାଲି ସେତିକି ନୁହେଁ, ମନୀଷ କଶ୍ୟପଙ୍କ ଟ୍ୱିଟର ଆକାଉଣ୍ଟକୁ ମଧ୍ୟ ବ୍ଲକ୍ କରିଦିଆଯାଇଥିଲା । ହେଲେ ଏହାରି ଭିତରେ ତାଙ୍କ ନାଁରେ ଆଉ ଏକ ଆକାଉଣ୍ଟ ଖୋଲି, ମନୀଷ କଶ୍ୟପଙ୍କୁ ବିହାର ପୋଲିସ ଗିରଫ କରିଥିବା ଫଟୋ ସେୟାର କରାଯାଇଥିଲା ।
तमिलनाडु में बिहार के कामकाजी लोगों के लिये असत्य/भ्रामक वीडियो प्रसारित करने के प्रकरण में अभियुक्त मनीष कश्यप के द्वारा नए twitter हैंडल पर अपनी गिरफ्तारी की फोटो पोस्ट की गई जो पूर्णतःअसत्य तथा भ्रामक है।
इस भ्रामक पोस्ट के लिए पुनः प्राथमिकी दर्ज की जा रही है।#BiharPolice pic.twitter.com/jvgFGeQpuy— Bihar Police (@bihar_police) March 12, 2023
ଏହି ପୋଷ୍ଟରେ ଲେଖାଯାଇଥିଲା ଯେ, ମୁଁ ଖୁସି ଅଛି, ମୋ ବିହାରବାସୀଙ୍କ ପାଇଁ ମୁଁ ଆଜି ଜେଲ୍ ଯାଉଛି । ଗତକାଲି ରାତି ୮ଟାବେଳେ ପୋଲିସ ମୋତେ ଗିରଫ କରିଛି । ବିହାରର ଜନତା ସବୁକିଛି ଦେଖୁଛି । ଅନ୍ୟାୟ ବିରୋଧରେ ସ୍ୱର ଉଠାଇବା ଲୋକଙ୍କୁ ଦବାଇ ଦିଆଯାଉଛି ବୋଲି ଏହି ଆକାଉଣ୍ଟରେ ଲେଖାଯିବା ସହିତ ମନୀଷଙ୍କ ହ୍ୟାଣ୍ଡକପ୍ ପିନ୍ଧିଥିବା ଫଟୋ ସେୟାର କରାଯାଇଥିଲା ।
ବିହାର ପୋଲିସ କିନ୍ତୁ ଏହି ପୋଷ୍ଟ ଉପରେ ଆକ୍ସନ ନେବା ସହିତ ଏହି ଗିରଫଦାରୀ ମିଛ ବୋଲି କହିଛି । ବିହାର ପୋଲିସ ମନୀଷଙ୍କୁ ଗିରଫ କରିନଥିବାବେଳେ, ସେ ସୋସିଆଲ୍ ମିଡିଆରେ ମିଛ କଥା ପ୍ରଘଟ କରୁଥିବା କୁହାଯାଇଛି । ତେବେ ବିହାର ପୋଲିସର ଏ ଆକ୍ସନ ପରେ, ଏହି ଆକାଉଣ୍ଟଟି ମନୀଷ କଶ୍ୟପଙ୍କର ଏକ ଫ୍ୟାନ୍ ପେଜ୍ ବୋଲି କୁହାଯାଉଛି । ଏଥିସହିତ ଆଗାମୀ ଦିନରେ ଏମିତି ଭୁଲ୍ କେବେ ବି ହେବନି ବୋଲି କୁହାଯାଇଛି ।
ପୋଲିସର ଏହି ଟୁଇଟ୍ ପରେ, ଉକ୍ତ ଟୁଇଟକୁ ବଦଳାଇ ଦିଆଯାଇଛି । ମନୀଷ କଶ୍ୟପ ନାଁରୁ ବଦଳି ଏବେ ଏହା ଏକ ଫ୍ୟାନ୍ ପେଜ୍ ବୋଲି କୁହାଯାଇଛି । ଏଥିସହିତ ଏହି ପେଜରେ ବିହାର ପୋଲିସକୁ କ୍ଷମା ପ୍ରାର୍ଥନା କରାଯାଇଛି । ସୂଚନାଯୋଗ୍ୟ ଯେ, ୟ୍ୟୁଟୁବର ମନୀଷ କଶ୍ୟପ ଉପରେ ବିହାର ପୋଲିସ ଏକାଧିକ ମାମଲା ରୁଜୁ କରିଛି । ଧାରା ୧୫୩,୧୫୩(ଏ),୧୫୩ (ବି),୫୦୫(୧)(ସି), ୪୬୮, ୪୭୧,୧୨୦ (ବି) ଏବଂ ଧାରା ୬୭ ଆଧାରରେ ତାଙ୍କ ବିରୋଧରେ ମାମଲା ରୁଜୁ ହୋଇଛି ।