ମୁମ୍ବାଇର ୩ ବଡ ଷ୍ଟେସନକୁ ଉଡାଇଦେବାକୁ ଧମକ । ପୋଲିସ ହାତରେ ଧରାପଡିଲା ସନ୍ଦିଗ୍ଧ
ବ୍ୟରୋ ରିପୋର୍ଟ: ମହରାଷ୍ଟ୍ରରୁ ବଡ ଖବର । ଜଣେ ଅଜ୍ଞାତ ବ୍ୟକ୍ତି ନବୀ ମୁମ୍ବାଇର ପୋଲିସ କଣ୍ଟ୍ରୋଲ ରୁମକୁ ଫୋନ୍ କରି ଦାଦର, କୁର୍ଲା, ସିଏସଏମଟି ପରି ୩ଟି ବଡ ଷ୍ଟେସନରେ ବିସ୍ଫୋରଣ କରିବାକୁ ଧମକ ଦେବା ପରେ ପୋଲିସର ଚିନ୍ତା ବଢିଯାଇଥିଲା । ହେଲେ ପୋଲିସର ତନାଘନା ପରେ ଫୋନ କରି ଧମକ ଦେଇଥିବା ବ୍ୟକ୍ତିକୁ ଗିରଫ କରିଛି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ଫୋନ କରି ବ୍ୟକ୍ତି ଜଣକ ପୋଲିସକୁ କହିଥିଲା ଯେ, ପୋରବନ୍ଦରରୁ କିଛି ଲୋକ ଆସୁଛନ୍ତି ଯିଏ କି ୩ଟି ବଡ ବଡ ଷ୍ଟେସନକୁ ଉଡାଇଦେବେ । ହେଲେ ପୋଲିସ ଛାନବିନ୍ କରିବା ପରେ ଫୋନ କରିଥିବା ବ୍ୟକ୍ତିକୁ ଔରଙ୍ଗାବାଦରୁ ଗିରଫ କରିଛି । ଜିଆରପି କମିଶନର କାଇସର ଖାଲିଦ କହିଛନ୍ତି, ‘ନାଭି ମୁମ୍ବାଇର କଣ୍ଟ୍ରୋଲ ରୁମକୁ ଗତକାଲି ଏକ କଲ୍ ମିଳିଥିଲା ଯାହା ତିନୋଟି ଷ୍ଟେସନକୁ ଉଡ଼ାଇ ଦେବାକୁ ଧମକ ଦେଇଥିଲା। କଲ୍ ପାଇବା ପରେ, ଆମେ ତୁରନ୍ତ ତିନୋଟି ଷ୍ଟେସନରେ ଏକ ଚେକିଂ ଅପରେସନ୍ କରିଥିଲୁ, କିନ୍ତୁ କିଛି ମିଳିଲା ନାହିଁ । ଏହା ପରେ, ଯେତେବେଳେ ଆମେ ଅନୁସନ୍ଧାନ କଲୁ, ଏହା ଜଣାପଡିଲା ଯେ ଏହି କଲ୍ ଔରଙ୍ଗାବାଦ ଜିଲ୍ଲାରୁ ଆସିଛି, ବୈଷୟିକ ପ୍ରମାଣ ଆଧାରରେ କଲରଙ୍କୁ ଅଟକ ରଖାଯାଇ ପଚରାଉଚୁରା କରାଯାଉଛି’ ।