ବିମାନଯାତ୍ରୀଙ୍କ ପାଇଁ ଖୁସି ଖବର: ଭୁବନେଶ୍ୱର ବିମାନବନ୍ଦରରେ ଏଣିକି ଅନଲାଇନରେ ପାଇପାରିବେ ହଜି ଥିବା ସାମଗ୍ରୀର ସୂଚନା
ବିଜୁ ପଟ୍ଟନାୟକ ବିମାନବନ୍ଦରରେ ଲଷ୍ଟ ଆଣ୍ଡ ଫାଉଣ୍ଡ ସେବା ଉବଲବ୍ଧ
କନକ ବ୍ୟୁରୋ: ବିମାନଯାତ୍ରୀଙ୍କ ପାଇଁ ଖୁସି ଖବର । ଭୁବନେଶ୍ୱର ବିଜୁ ପଟ୍ଟନାୟକ ବିମାନବନ୍ଦରରେ ଏଣିକି ଲଷ୍ଟ ଆଣ୍ଡ ଫାଉଣ୍ଡ ସେବା ଅନଲାଇନ ଉବଲବ୍ଧ ହୋଇଛି । ଭୁବନେଶ୍ୱର ବିମାନବନ୍ଦରରେ ଯାତ୍ରୀଙ୍କର ହଜିଯାଇଥିବା ସାମଗ୍ରୀ ଏବେ ଲିଙ୍କରେ ଦେଖି ହେବ । ବିମାନବନ୍ଦରରେ ଯାତ୍ରୀଙ୍କ ଯେଉଁ ସବୁ ସାମଗ୍ରୀ ହଜିଯାଇଥାଏ ଏବଂ ଏହାର ଯଦି କୌଣସି ଦାବିଦାର ନଥାନ୍ତି ସେହି ସବୁ ସାମଗ୍ରୀକୁ ଲଷ୍ଟ ଆଣ୍ଡ ଫାଉଣ୍ଡ୍ ସେବା ଦ୍ୱାରା ୱେବସାଇଟରେ ଅପଲୋଡ୍ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଯାହା ଫଳରେ ଯଦି କୌଣସି ଯାତ୍ରୀଙ୍କ ସାମଗ୍ରୀ ହଜିଯାଇଛି ଏହି ୱେବସାଇଟ୍କୁ ଯାଇ ସେ ସଂପର୍କରେ ତଥ୍ୟ ଜାଣି ପାରିବେ । ନିଜ ଜିନିଷ ସଂପର୍କରେ ନିଶ୍ଚିତ ହେବା ପରେ ଆପଣ ସୋମବାରରୁ ଶୁକ୍ରବାର ସକାଳ ସାଢ଼େ ୯ଟାରୁ ସନ୍ଧ୍ୟା ସେଢ଼ ୫ଟା ଭିତରେ ଆସି ସେହି ସାମଗ୍ରୀ ନେଇପାରିବେ । ଏହି ସେବା ପାଇବା ପାଇଁ ଯାତ୍ରୀଙ୍କୁ ଡବ୍ଲୁ ଡବ୍ଲୁ ଡବ୍ଲୁ ଡଟ୍ ଏଇଆର୍ଓ ସ୍ଲାସ୍ ଇନ୍ ସ୍ଲାସ୍ ଲଷ୍ଟ-ଫାଉଣ୍ଡକୁ ଦେଖିବାକୁ ପଡ଼ିବ ।