୫୦ ଫୁଟ କୂଅ ତଳେ ଚାପି ହୋଇ ରହିଛି ଶ୍ରମିକର ଜୀବନ । ୧୮ ଘଂଟା ଧରି ଜାରି ରହିଛି ଉଦ୍ଧାର କାର୍ଯ୍ୟ
କନକ ବ୍ୟୁରୋ : ରାଜସ୍ଥାନର ଏକ ୫୦ ଫୁଟ ଗଭୀର କୂଅ ଭିତରେ କାମ କରୁଥିବା ବେଳେ ମାଟି ଅତଡା ଖସିବାରୁ ଜଣେ ଶ୍ରମକ କୂଆ ଭିତରେ ଚାପି ହୋଇ ରହିଛନ୍ତି । ତାଙ୍କୁ ଉଦ୍ଧାର କରିବାକୁ ୧୮ ଘଣ୍ଟା ହେବ ଉଦ୍ଧାରକାରୀ ଦଳ ଅନବରତ ଚେଷ୍ଟା ଚଳାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ କୂଅ ଖୋଳିବା ବେଳେ ହଠାତ ମାଟି ଅତଡା ଖସିଥିଲା, ଫଳରେ ଶ୍ରମିକ ଜଣଙ୍କ ମାଟି ଭିତରେ ଚାପି ହୋଇଯାଥିଲେ । ପୋଲିସର ସୂଚନା ମୁତାବକ ଶ୍ରମିକ ଜଣଙ୍କର ମୃତ୍ୟୁ ହୋଇସାରିଛି । କେବଳ ତାଙ୍କ ଶବ ଉଦ୍ଧାର କରିବାକୁ ଚେଷ୍ଟା କରାଯାଉଛି ।
ଶନିବାର ଦିନ ଏଭଳି ଘଟଣା ଘଟିବା ପରେ ସ୍ଥାନୀୟ ଲୋକମାନେ ମାଡି ଖୋଳି ତାଙ୍କୁ ଉଦ୍ଧାର କରିବାକୁ ଚେଷ୍ଟା କରିବା ସହ ପ୍ରଶାସନକୁ ଖବର ଦେଇଥିଲେ । ପ୍ରଶାସନ ଟିମ୍ ଘଟଣା ସ୍ଥଳରେ ପହଂଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ହେଲେ ବାଲି ଓ ମାଟି ଏତେ ପରିମାଣର ଧସିଥିଲା କି ଶ୍ରମିକ ଜଣଙ୍କୁ ଉଦ୍ଧାର କରିବା ସହଜ ହୋଇନଥିଲା । ଏହି ଘଟଣା ରାଜସ୍ଥାନର ବାଡମେର ଜିଲ୍ଲା ତଲା ଗାଁ ର ।
୪-୫ ଦିନ ଧରି କୁଅ ଖୋଳାଯାଉଥିଲା । କୂଅଟି ୫୦ ଫୁଟ ଗଭୀର ଖୋଳାହେବା ପରେ ଶ୍ରମିକ ଜଣଙ୍କ ଫ୍ରେମ ଲଗାଇ ତା ଭିତରେ ପ୍ଲାଷ୍ଟର କାମ କରୁଥିଲେ । ଏତିକି ବେଳେ ସିମେଣ୍ଟ ଫ୍ରେମ ଭାଙ୍ଗିଯିବାରୁ ମାଟି ଅତଡା ଖସିଥିଲା ଓ ଶ୍ରମିକ ଜଣଙ୍କ ମାଟିତଳେ ଚାପି ହୋଇଯାଇଥିଲେ ।