ନ୍ୟାୟପାଳିକାରୁ ଅବସର ନେଇ ରାଜନୀତିକୁ ଆସିବେ ଜଷ୍ଟିସ ଅଭିଜିତ ଗାଙ୍ଗୁଲି । ବିଜେପିରୁ ଲୋକସଭା ପ୍ରାର୍ଥୀ ହେବା ନେଇ ଚର୍ଚ୍ଚା ।
କନକ ବ୍ୟୁରୋ: ନ୍ୟାୟପାଳିକାରୁ ଅବସର ନେଇ ରାଜନୀତିରେ ଯୋଗ ଦେବେ ଜଷ୍ଟିସ ଅଭିଜିତ ଗାଙ୍ଗୁଲି । କଲିକତା ହାଇକୋର୍ଟର ବିଚାରପତି ଭାବେ ସେ ଏବେ ଦାୟିତ୍ୱ ତୁଲାଉଛନ୍ତି । ଆସନ୍ତାକାଲି ଅବସର ଗ୍ରହଣ କରିବେ ବୋଲି ଏକ ସାକ୍ଷାତକାରରେ ସ୍ପଷ୍ଟ କରିଛନ୍ତି । ପଶ୍ଚିମବଙ୍ଗର ଶାସକ ଦଳ ଟିଏମସି ତାଙ୍କୁ ରାଜନୀତିକୁ ଆସିବାକୁ ଚ୍ୟାଲେଞ୍ଜ କରିଛି ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଭିଜିତ କହିଛନ୍ତି, ସେ ଆସନ୍ତାକାଲି ରାଷ୍ଟ୍ରପତି ଦ୍ରୌପଦୀ ମୁର୍ମୁ, ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ଡିୱାଇ ଚନ୍ଦ୍ରଚୁଡ, କଲିକତା ହାଇକୋର୍ଟର ମୁଖ୍ୟ ବିଚାରପତିଙ୍କୁ ଇସ୍ତଫା ପତ୍ର ପ୍ରଦାନ କରିବେ । ତେବେ ଲୋକସଭା ନିର୍ବାଚନ ପାଇଁ ପ୍ରସ୍ତୁତି ଚାଲିଛି । ହଠାତ୍ ଜଷ୍ଟିସ ଗାଙ୍ଗୁଲି ଅବସର ଗ୍ରହଣ କରିବା ନେଇ ନାନା ଚର୍ଚ୍ଚା ହେଉଛି । କୁହାଯାଉଛି ସେ ବିଜେପିର ଲୋକସଭା ପ୍ରାର୍ଥୀ ହୋଇପାରନ୍ତି । ତମଲୁକ ଲୋକସଭା ଆସନରୁ ସେ ପ୍ରାର୍ଥୀ ହେବା ନେଇ ଚର୍ଚ୍ଚା ହେଉଛି । ହେଲେ ସେ ଏପରି ଚର୍ଚ୍ଚାକୁ ଖଣ୍ଡନ କରିଛନ୍ତି । କୌଣସି ରାଜନୈତିକ ଦଳରେ ଯୋଗ ଦେଇପାରନ୍ତି ବୋଲି କହିଛନ୍ତି ।
ପଶ୍ଚିମବଙ୍ଗ ଶିକ୍ଷକ ନିଯୁକ୍ତି ଘୋଟାଲାର ସିବିଆଇ ତଦନ୍ତ ପାଇଁ ୨୦୨୨ରେ ନିର୍ଦ୍ଦେଶ ଦେଇଥିଲେ ଜଷ୍ଟିସ ଗାଙ୍ଗୁଲି । ସେହିପରି ରାଜ୍ୟରେ ଅନେକ ଦୁର୍ନୀତିର ତଦନ୍ତ ନିର୍ଦ୍ଦେଶ ଦେଇ ଚର୍ଚ୍ଚାରେ ରହିଆସିଛନ୍ତି ଜଷ୍ଟିସ ଗାଙ୍ଗୁଲି । ରାଜନୀତିକୁ ଆସି ଅସହାୟ ଲୋକଙ୍କୁ ସାହାଯ୍ୟ କରିବା ତାଙ୍କର ଏବେର ଉଦ୍ଦେଶ୍ୟ ବୋଲି ଜଷ୍ଟିସ ଗାଙ୍ଗୁଲି କହିଛନ୍ତି ।