ନିର୍ବାଚନ ପୂର୍ବରୁ ରାଜସ୍ଥାନ ସରକାରଙ୍କ ବଡ ଘୋଷଣା, ୨୫ ବର୍ଷ ଚାକିରି ଉପରେ ବି ମିଳିବ ପୂରା ପେନସନ୍
କନକ ବ୍ୟୁରୋ : ରାଜସ୍ଥାନ ସରକାର ନିର୍ବାଚନ ବର୍ଷରେ ରାଜ୍ୟବାସୀଙ୍କ ପାଇଁ ଅନେକଗୁଡିଏ ଯୋଜନା ଘୋଷଣା କରିଛନ୍ତି । ୫୦୦ ଟଙ୍କାରେ ଗ୍ୟାସ୍ ସିଲିଣ୍ଡର ଯୋଗାଇବା ଆରମ୍ଭ କରିଥିବା ବେଳେ ଏବେ ରାଜ୍ୟ କର୍ମଚାରୀଙ୍କ ପାଇଁ ବଡ ଘୋଷଣା କରିଛନ୍ତି । ଗେହଲଟ ସରକାର ରାଜ୍ୟ କର୍ମଚାରୀଙ୍କ ଭରସା ଜିତିବାକୁ ଚେଷ୍ଟା କରିଛନ୍ତି । ଏହି କ୍ରମରେ ଏବେ ରାଜ୍ୟ କର୍ମଚାରୀମାନଙ୍କ ମଧ୍ୟରୁ ଯେଉଁମାନେ କେବଳ ୨୫ ବର୍ଷ ଚାକିରି କରି ଅବସର ନେଇଛନ୍ତି ସେମାନଙ୍କୁ ରାଜ୍ୟ ସରକାର ପୂରା ପେନସନ୍ ଦେବେ । ଅର୍ଥାତ ରାଜସ୍ଥାନରେ ଏବେ ରାଜ୍ୟ କର୍ମଚାରୀ ୨୮ ବର୍ଷ ବଦଳରେ ଯଦି ୨୫ବର୍ଷ ଚାକିରି କରି ଅବସର ନେଉଛନ୍ତି ତେବେ ତାଙ୍କୁ ପୂରା ପେନସନ୍ ମିଳିବ । ଏହାସହ ୭୫ ବର୍ଷରେ ପେନସନ ଭୋଗୀ କିମ୍ବା ପରିବାର ପେନସନ ଭୋଗୀଙ୍କୁ ୧୦ ପ୍ରତିଶତ ଅତିରିକ୍ତ ପେନସନ୍ ଭତ୍ତା ମିଳିବ ।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହେଁ ଏବେ ରାଜ୍ୟର ୫୫ ପ୍ରତିଶତ ପଛୁଆ ବର୍ଗର ଭୋଟରଙ୍କୁ ମନାଇବାକୁ ବଡ ଚେଷ୍ଟା କରିଛନ୍ତି । ଏଥିପାଇଁ କ୍ୟାବିନେଟରେ ଏକ ବଡ ନିଷ୍ପତ୍ତି ନେଇଛନ୍ତି । ଏବେ ଓବିସି –ଏମବିସି ବର୍ଗରେ ନିଯୁକ୍ତି ଯୋଗ୍ୟ ପ୍ରାର୍ଥୀ ନମିଳିଲେ ସେହି ପଦକୁ ୩ବର୍ଷ ପର୍ଯ୍ୟନ୍ତ ଖାଲି ରଖାଯିବ । ଏହି ପ୍ରାବଧାନ ପ୍ରଥମେ ଏସି ଓ ଏସଟି ବର୍ଗର ଲୋକଙ୍କ ପାଇଁ ଥିଲା । ଏବେ ଏହାସହ ଓବିସି-ଏମବିସି ବର୍ଗଙ୍କ ପାଇଁ ଏହି ସୁବିଧା ଲାଗୁ କରାଯିବା ।