ଆଇପିଏଲରୁ ଅବସର ନେଲେ ବ୍ରାଭୋ । ଚେନ୍ନାଇ ସୁପରକିଙ୍ଗସ ପାଇଁ ସମ୍ଭାଳିବେ ବୋଲିଂ କୋଚ୍ ପଦ
କନକ ବ୍ୟୁରୋ : ଚେନ୍ନାଇ ସୁପରକିଙ୍ଗସର ବରିଷ୍ଠ ଖେଳାଳୀ ବ୍ରାଭୋ ଆଇପିଏଲ ୨୦୨୩ ଖେଳିବେ ନାହିଁ । ସେ କେବଳ ୨୦୨୩ ଆଇପିଏଲ ନୁହେଁ ପୂରା ଆଇପିଏଲରୁ ଅବସର ଘୋଷଣା କରିଛନ୍ତି । ହେଲେ ସେ ଆଇପିଏଲରୁ ଅବସର ନେବା ଘୋଷଣା କରିବା ପରେ ଚେନ୍ନାଇ ସୁପରକିଙ୍ଗସ ତାଙ୍କୁ ବୋଲିଂ କୋଚ୍ ଭାବେ ନିଯୁକ୍ତି କରିବାକୁ ଘୋଷଣା କରିଛି । ଏନେଇ ସିଏସକେ ତରଫରୁ ଟ୍ୱିଟ ଯୋଗେ ସୂଚନା ଦିଆଯାଇଛି । ସୂଚନା ମୁତାବକ ଚେନ୍ନାଇ ସୁପରକିଙ୍ଗସର ବୋଲିଂ କୋଚ୍ ଥିବା ଲକ୍ଷ୍ମୀପତି ବାଲାଜୀ ଗୋଟିଏ ବର୍ଷ ପାଇଁ ବ୍ରେକ୍ ନେଇଥିବାରୁ ତାଙ୍କ ସ୍ଥାନରେ ବ୍ରାଭୋଙ୍କୁ ବୋଲିଂ କୋଚ ଭାବେ ନିଯୁକ୍ତି ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ବ୍ରାଭୋଙ୍କ ଆଇପିଏଲ କ୍ୟାରିଅରକୁ ଯଦି ନଜର ପକାଇବା ତେବେ ସେ ଆଇପିଏଲରୁ ମୋଟ ୧୫୬୦ ରନ୍ ସଂଗ୍ରହ କରିଥିବା ବେଳେ ୧୮୩ ଟି ୱିକେଟ ହାସଲ କରିଛନ୍ତି । ବ୍ରାଭୋ ଆଇପିଏଲ ସିଜିନ ଆରମ୍ଭରୁ ଟୁର୍ଣ୍ଣାମେଣ୍ଟ ସହ ଜଡିତ ରହିଛନ୍ତି । ସେ ପ୍ରଥମେ ମୁମ୍ବାଇ ଇଣ୍ଡିଆନ୍ସ ପାଇଁ ଖେଳିଥିଲେ ।
ବ୍ରାଭୋଙ୍କ ମୋଟ ଆଇପିଏଲ ଖେଳର ପ୍ରଭାବ ଦେଖିଲେ ସେ ୧୬୧ ଟି ମ୍ୟାଚ୍ ଖେଳି ୧୫୬୦ ରନ ସଂଗ୍ରହ କରିଛନ୍ତି । ଏହାସହ ୧୮୩ ଟି ୱିକେଟ ହାସଲ କରିଛନ୍ତି । ଏହା ମଧ୍ୟରେ ସେ ୫ ଟି ଅର୍ଦ୍ଧଶତକ କରିଛନ୍ତି । ବୋଲିଂରେ ସେ ୨୨ ରନ ଦେଇ ୪ ଟି ୱିକେଟ ହାସଲ କରିବା ହେଉଛି ତାଙ୍କର ସର୍ବଶ୍ରେଷ୍ଠ ପ୍ରଦର୍ଶନ ।