ଚିକିତ୍ସାରେ ଖର୍ଚ୍ଚ ଟଙ୍କା ନ ଦେବାକୁ ବିମା କମ୍ପାନୀର ଚାଲ : ଫୁସଫୁସ୍ କ୍ୟାନସର ରୋଗୀ ଚେନ ସ୍ମୋକର ଥିବା ଦର୍ଶାଇ ଟଙ୍କା ଦେବାକୁ କଲା ମନା
କନକ ବ୍ୟୁରୋ : ସ୍ୱାସ୍ଥ୍ୟ ବିମା ଆଜିର ଦିନରେ ବେଶ ଗୁରୁତ୍ୱ ବହନ କରେ । କାରଣ ଏବେ ଛୋଟ, ବଡ ଯେକୌଣସି ରୋଗ ପାଇଁ ଡାକ୍ତରଖାନା ଯିବା ଏବଂ ଚିକିତ୍ସା କରିବା ଅନେକ ମହଙ୍ଗା ହୋଇଯାଇଛି । ସ୍ୱାସ୍ଥ୍ୟ ବିମା ଥିଲେ ଡାକ୍ତରଖାନାରେ ଚିକିତ୍ସା କରାଇବା ସାଧାରଣ ଲୋକଙ୍କ ପାଇଁ ବେଶ କଷ୍ଟକର । ଆଉ ଏଥିପାଇଁ ଲୋକେ ସ୍ୱାସ୍ଥ୍ୟ ବିମା କରି ବର୍ଷ ବର୍ଷ ଧରି ପ୍ରିମିୟମ୍ ଭରି ଚାଲିଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ହେଲେ ଆପଣ ଭରୁଥିବା ପ୍ରିମିୟମ୍ ଯଦି ଠିକ୍ ସମୟରେ କାମ ନଦେବ, ବିମା କମ୍ପାନୀ ଯଦି ବିଭିନ୍ନ କାରଣ ଦର୍ଶାଇ ଆପଣଙ୍କ କ୍ଲେମ୍ ରାଶିକୁ ଖାରଜ କରିଦେବ ତାହାଲେ କଣ କରିବେ । ଏଭଳି ଏକ ଖବର ଆଜିଛି ଗୁଜରାଟ ରାଜକୋଟରୁ । ଏଠାରେ ବିମା ଥିବା ସତ୍ୱେ ଜଣେ ଫୁସଫୁସ୍ କ୍ୟାନସରରେ ପୀଡିତ ବ୍ୟକ୍ତିଙ୍କୁ ଇନ୍ସୁରାନ୍ସ କମ୍ପାନୀ ବିମା ଟଙ୍କା ଦେବାକୁ ମନା କରିଦେଇଥିଲେ । ବ୍ୟକ୍ତି ଜଣଙ୍କ ଚେନ୍ ସ୍ମୋକର୍ ଥିବା କାରଣ ଦର୍ଶାଇ ତାଙ୍କୁ ଚିକିତ୍ସାର ଟଙ୍କା ଫେରାଇବାକୁ ମନା କରିଦେଇଥିଲା କମ୍ପାନୀ । ଶେଷରେ ମାମଲା କୋର୍ଟରେ ପହଁଚିଥିଲା ।
ଉପୋଭୋକ୍ତା ବିବାଦ ନିବାରଣ ଆୟୋଗରେ ଅଭିଯୋଗ ହେବା ପରେ କମିଶନ୍ ବିମା କମ୍ପାନୀକୁ ଚିକିତ୍ସାରେ ଖର୍ଚ୍ଚ ହୋଇଥିବା ଟଙ୍କା ଫେରାଇବାକୁ କହିଛନ୍ତି । ତେବେ ଏହି ଘଟଣା ଇନ୍ସୋରାନ୍ସ କମ୍ପାନୀଙ୍କ କାର୍ଯ୍ୟ ପ୍ରଣାଳୀ ଉପରେ ପ୍ରଶ୍ନବାଚୀ ସୃଷ୍ଟି କରିଛି । ବର୍ଷ ବର୍ଷ ଧରି ଲୋକେ ବିମା ଟଙ୍କା ପୈଠ କରୁଛନ୍ତି । ହେଲେ ଚିକିତ୍ସା ବେଳେ ଅନେକ ଚାଲ୍ ଦେଖାଇ ଟଙ୍କା ଦେବାକୁ ମନା କରିଦେଉଛନ୍ତି ବିମା କମ୍ପାନୀ । ରାଜକୋଟ ଘଟଣା ବିମା କମ୍ପାନୀଙ୍କ ଚାଲ୍ ପଦାରେ ପକାଇଛି ।
ବିମା କମ୍ପାନୀର ଚାଲ୍ !
– ୨୦୧୮ରେ ରାଜକୋଟର ଯୁବକ ଫୁସ୍ଫୁସ୍ କ୍ୟାନସରରେ ପୀଡିତ ହୋଇଥିଲେ
– ପରେ ଅହମ୍ମଦାବାଦର ଏକ ଘରୋଇ ଡାକ୍ତରଖାନାରେ ହେଲେ ଚିକିତ୍ସିତ
– ଚିକିତ୍ସାରେ ୬ ଲକ୍ଷ ୫୩ହଜାର ଟଙ୍କା ହୋଇଥିଲା ଖର୍ଚ୍ଚ
– ଖର୍ଚ୍ଚ ଟାଙ୍କା ନେଇ ବିମା କମ୍ପାନୀରେ କ୍ଲେମ କଲେ ଯୁବକ
– ହେଲେ ଯୁବକ ଚେନ ସ୍ମୋକର ଥିବାରୁ ଟଙ୍କା ଦେବାକୁ ମନାକଲା କମ୍ପାନୀ
– ୨୦୧୯, ଏପ୍ରିଲ ୩୦ରେ ଟଙ୍କା ଫେରାଇବାକୁ ମନାକଲା ବିମା କମ୍ପାନୀ
– ୨୦ ବର୍ଷ ଧରି ବିମା ଭରିବା ପରେ ବି କାହିଁକି ଟଙ୍କା ଦେଲାନି କମ୍ପାନୀ?
– ଉପୋଭୋକ୍ତା ବିବାଦ ନିବାରଣ ଆୟୋଗରେ ଅଭିଯୋଗ କଲେ ଯୁବକ
– ଘଟଣାର ତଦନ୍ତ କରି ବିମା କମ୍ପାନୀକୁ ଟଙ୍କା ଫେରାଇବା ପାଇଁ କହିଲେ ଆୟୋଗ
– ସିଗାରେଟ୍ ଦ୍ୱାରା ହୋଇନଥିଲା ଫୁସଫୁସ୍ କ୍ୟାନସର
– ଚିକିତ୍ସାରେ ଖର୍ଚ୍ଚ ଟଙ୍କା ଫେରାଇବାକୁ ନିର୍ଦ୍ଦେଶ
– ୩୦ ଦିନ ମଧ୍ୟରେ ୬ ଲକ୍ଷ ଟଙ୍କା ଓ ଆଇନ ଖର୍ଚ୍ଚ ୫ ହଜାର ଟଙ୍କା ଦେବାକୁ ନିର୍ଦ୍ଦେଶ