ନିର୍ବାଚନ ଭିତରେ ତେଲେଙ୍ଗାନା ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀଙ୍କ ସାଂଘାତିକ ଅଭିଯୋଗ । କହିଲେ ଟେସଲାକୁ ଜବରଦସ୍ତ ନିଆଯାଇଛି ଗୁଜରାଟ
କନକ ବ୍ୟୁରୋ: ତେଲେଙ୍ଗାନା ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀ ବିଜେପି ବିରୋଧରେ ସାଂଘାତିକ ଅଭିଯୋଗ ଆଣିଛନ୍ତି । ଏଲନ୍ ମସ୍କଙ୍କ ଇଲେକଟ୍ରିକ ଅଟୋ ମୋବାଇଲ୍ କମ୍ପାନୀ ଟେସଲ୍କୁ ନେଇ ବିଜେପି ଉପରେ ଅଭିଯୋଗ ଆଣିଛନ୍ତି । ରେବନ୍ତ ରେଡ୍ଡୀ କହିଛନ୍ତି କି, ଟେସଲା କମ୍ପାନୀ ତେଲେଙ୍ଗାନାରେ ତା’ର ପ୍ଲାଣ୍ଟ ବସାଇବାକୁ ଆଗ୍ରହୀ ଥିଲା । ହେଲେ କେନ୍ଦ୍ରର ବିଜେପି ସରକାର ଜୋର ଜବରଦସ୍ତ ଏହି ପ୍ରୋଜେକ୍ଟକୁ ଗୁଜରାଟ ପଠାଇ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ରେବନ୍ତ ରେଡ୍ଡୀ ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେବା ଅବସରରେ କହିଛନ୍ତି ଯେ, ତେଲେଙ୍ଗାନା ସହ ବିଜେପି ସରକାର ଅନ୍ୟାୟ କରିଛି । ଆମ ରାଜ୍ୟକୁ ଆସୁଥିବା ନିବେଶ ପ୍ରକଳ୍ପକୁ କେନ୍ଦ୍ର ସରକାର ଚାପ ପକାଇ ଗୁଜରାଟ ନେଇଯାଉଛନ୍ତି । ଏହାସହ ଏବେ ଫୋକ୍ସକନ୍ନ କମ୍ପାନୀକୁ ତେଲେଙ୍ଗାନାରୁ ଗୁଜରାଟ ନେଇଯିବା ପାଇଁ କେନ୍ଦ୍ର ସରକାର ଯୋଜନା କରୁଥିବା କଥା ରେବନ୍ତ ରେଡ୍ଡୀ ଅଭିଯୋଗ ଆଣିଛନ୍ତି ।
ଏହି କାରଣରୁ ଟେସଲା ଭାରତ ଛାଡି ଚାଲିଗଲା କି ବୋଲି ପ୍ରଶ୍ନର ଉତର ଦେଇ ରେବନ୍ତ ରେଡ୍ଡୀ କହିଛନ୍ତି କି, ଏକଥା ସେମାନଙ୍କୁ ଜଣାଥିବ । ହେଲେ ଟେସଲା ତେଲେଙ୍ଗାନାରେ ନିବେଶ କରିବାକୁ ଚାହୁଁଥିଲା ହେଲେ କେନ୍ଦ୍ର ସରକାରଙ୍କ ଚାପରେ ଏହା ଗୁଜରାଟ ଯିବାକୁ ନିଷ୍ପତ୍ତି ନେଇଥିଲା ବୋଲି ରେବନ୍ତ ଦାବି କରିଛନ୍ତି ।
କେବଳ ସେତିକି ନୁହେଁ ଅଭିଯୋଗ ସହ ବିଜେପି ନେତାଙ୍କ ଉପରେ ବର୍ଷିଛନ୍ତି ରେବନ୍ତ ରେଡ୍ଡୀ । ସେ କହିଛନ୍ତି କି, ପ୍ରଧାନମନ୍ତ୍ରୀ ମୋଦୀ ଓ ଗୃହମନ୍ତ୍ରୀ ଅମିତ ଶାହା ଭାବୁଛନ୍ତି କି କେବଳ ଗୁଜରାଟ ହିଁ ହିନ୍ଦୁସ୍ଥାନ । ତେଣୁ ଅନ୍ୟରାଜ୍ୟମାନଙ୍କୁ ଆସୁଥିବା ନିବେଶ ହଡପ କରି ଗୁଜରାଟ ନେଇଯାଉଛନ୍ତି । ଅମିତ୍ ଶାହା ଓ ନରେନ୍ଦ୍ର ମୋଦୀଙ୍କ ପାଇଁ ତେଲେଙ୍ଗାନାବାସୀ ଦ୍ୱିତୀୟ ନାଗରିକ ।