ଜେଲ ଭିତରେ କଏଦୀଙ୍କୁ ଗପ ଶୁଣାଉଛି ନକଲି ଡାକ୍ତର ରମେଶ ସ୍ୱାଇଁ । ୧୮ ସ୍ତ୍ରୀଙ୍କ ଠକେଇ କାହାଣୀ ଶୁଣିବାକୁ କଏଦୀଙ୍କ ମଧ୍ୟରେ ଉକ୍ରଣ୍ଠା
କନକ ବ୍ୟୁରୋ: ଠକ ସର୍ଦ୍ଦାର ରମେଶ ସ୍ୱାଇଁ ଏବେ ଜେଲ କୋଠରୀରେ ଦିନ କାଟୁଥିବା ବେଳେ ତାଙ୍କୁ ନେଇ କଏଦୀଙ୍କ ମଧ୍ୟରେ ଉତ୍ସୁକତା ଭରିଯାଇଛି । କେମିତି ସେ ୧୮ ଜଣ ମହିଳାଙ୍କୁ ଠକିଲେ ଏବଂ ବାହା ହେବାକୁ ପ୍ରବର୍ତ୍ତାଇଲେ, ଏସବୁ ଜାଣିବା ପାଇଁ କଏଦୀମାନେ ରମେଶଙ୍କ ଚାରିପଟେ ଭିଡ଼ ଜମାଉଥିବା ଖବର ମିଳିଛି । ଏସବୁ ପରେ ରମେଶଙ୍କୁ ସ୍ୱତନ୍ତ୍ର ସେଲକୁ ପଠାଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନକଲି ଡ଼ାକ୍ତର ରମେଶ ସ୍ୱାଇଁଙ୍କ ମୁହଁରୁ ତାଙ୍କ କାହାଣୀ ଶୁଣିବା ପାଇଁ ଜେଲ ଭିତରେ ଉତ୍କଣ୍ଠା ଦେଖିବାକୁ ମିଳିଛି । ୧୮ ସ୍ତ୍ରୀଙ୍କ ସ୍ୱାମୀର ଠକାମୀର କାହାଣି କେମିତି ହୋଇଥିବ ତାହା ଜାଣିବା ପାଇଁ ସମସ୍ତଙ୍କ ମନରେ କୌତୁହଳ ଥିଲା । ଆଉ ରସିକିଆ ରମେଶ ତାଙ୍କ ଠକେଇ କାହାଣୀକୁ ପ୍ରବଚନ ଦେଲା ଭଳି କହୁଥିଲେ, ସାଥୀ କଏଦୀ ତାକୁ ମନ ଦେଇ ଶୁଣୁଥିଲେ । ମିଳିଥିବା ସୂଚନା ଅନୁସାରେ, ରମେଶ ଓ ତାଙ୍କ କଳାକାରନାମାର କାହାଣୀକୁ ଶୁଣି ବେଶ ମଜା ଉଠାଉଥିଲେ ଜେଲରେ ଥିବା କଏଦୀ । ଆଉ ସାଥୀ କଏଦୀଙ୍କ ଚାହିଦାକୁ ଦେଖି ରସିକିଆ ରମେଶ ମଧ୍ୟ ତାଙ୍କର ଗୋଟିଏ ପରେ ଗୋଟିଏ ଠକ କାହାଣୀ କହିଚାଲିଥିଲେ ।
ଶୁଣିବାକୁ ମିଳିଛି ଯେ, ଜେଲ ଭିତରେ ରମେଶ ଏଭଳି ଭିଡ଼ ଜମାଇବା ଦେଖି ଜଣେ ଜେଲ ଅଧିକାରୀ ତାଙ୍କ ଉପରେ ବିରକ୍ତି ପ୍ରକାଶ କରିଥିଲେ । ଆଉ ରମେଶଙ୍କୁ ଜେଲ ୱାର୍ଡରୁ ବାହାର କରି ହାଇ ସିକ୍ୟୁରିଟି ସେଲ ଭିତରକୁ ପଠାଇଦେଇଥିଲେ । ଝାରପଡ଼ା ଜେଲର ସେଲ ନମ୍ବର ୧୬ ହେଇଯାଇଛି ଠକ ରମେଶର ନୂଆ ଠିକଣା ।
ଏବେ ରମେଶକୁ ପୁଣି ଥରେ ୫ ଦିନିଆ ରିମାଣ୍ଡରେ ଆଣିବ କମିସନରେଟ ପୁଲିସର ପିଙ୍କ ଟିମ୍ । ଗୈାହାଟିରେ ମହିଳା ଡ଼ାକ୍ତରଙ୍କୁ ବିବାହ ଏବଂ ଲୁଟ୍ ମାମଲାରେ ପଚରାଉଚରା କରାଯିବା ସହ ଲାଏ ଡ଼ିଟେକ୍ସନ ଜରିଆରେ ବହୁ ତଥ୍ୟ ଉଗାଳିବ କମିସନରେଟ ପୁଲିସ । ତେବେ ଠକ ସର୍ଦ୍ଦାର ରମେଶ ସାମ୍ରାଜ୍ୟର ଅନ୍ୟ ମୁଖ୍ୟ ଅଭିଯୁକ୍ତ ରମେଶଙ୍କ ଭଉଣୀଙ୍କୁ ପୁଲିସ ଖୁବ ଶୀଘ୍ର ରିମାଣ୍ଡରେ ଆଣିବ । ଅନ୍ୟପଟେ ଫେରାର ଥିବା ରମେଶର ଭିଣୋଈ ଓ ଡ଼୍ରାଇଭରକୁ ଧରିବା ପାଇଁ ବିିଭିନ୍ନ ଜାଗାରେ ଖୋଳତାଡ଼ ଜାରି ରହିଛି ।