ସିଲିକନ ଭ୍ୟାଲି ବ୍ୟାଙ୍କ ବୁଡିବା ପରେ ଚାପରେ ଭାରତୀୟ କମ୍ପାନୀ: ଜମା ଥିଲା ଏତେ କୋଟି ଟଙ୍କା
କନକ ବ୍ୟୁରୋ: ଆମେରିକାରେ ହୋଇଥିବା ବ୍ୟାଙ୍କ ସଙ୍କଟର ପ୍ରଭାବ ଭାରତରେ ବି ଦେଖିବାକୁ ମିଳିଛି । ସାମାନ୍ୟ ବୃଦ୍ଧି ପରେ ବ୍ୟବସାୟ ଆରମ୍ଭ ପରେ ସେନସେକ୍ସ ଓ ନିଫ୍ଟି ଖରାପ ସ୍ଥିତି ଦେଇ ଗତି କରୁଛି । ବିଏସଇର ସେନସେକ୍ସ ୧୦୦୦ ଅଙ୍କରୁ ଅଧିକ ଖସିଯାଇଛି । ଏହା ମଧ୍ୟରେ ଆମେରିକାରୁ ଆସିଥିବା ଖବର ବଜାରରେ ହଟଚମଟ ସୃଷ୍ଟି କରିଛି । ସିଲିକନ ଭ୍ୟାଲିରେ ତାଲା ଲାଗିବା ପରେ ଭାରତୀୟ କମ୍ପାନୀ ନଜାରା ଟେକ୍ନୋଲୋଜୀର ମୋଟା ଅଙ୍କର ଟଙ୍କା ଫସିଯାଇଛି, ଆଉ ସେୟାର ବି ଭାଙ୍ଗି ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମରୁ ଆଶଙ୍କା କରାଯାଉଥିଲା କି ସିଲିକନ ଭ୍ୟାଲି ବୁଡିର ପ୍ରଭାବ ଭାରତୀୟ ଷ୍ଟାର୍ଟଅପରେ ଦେଖିବାକୁ ମିଳିପାରେ । ଏହାର ବଡ କାରଣ ହେଉଛି କି ଏସଭିବି ଷ୍ଟାର୍ଟଅପକୁ ଫଣ୍ଡ ଯୋଗାଉଛି । ତେଣୁ ସିଲିକନ ଭ୍ୟାଲି ବ୍ୟାଙ୍କ ଦେବାଳିଆ ହେବା ପରେ ଷ୍ଟାର୍ଟଅପ ସେକ୍ଟରରେ ଅନିଶ୍ଚିତତାର ପରିସ୍ଥିତି ସୃଷ୍ଟି ହୋଇଛି । କୁହାଯାଉଛି କି ନାଜାରା ଟେକ୍ନୋଲୋଜୀର ୬୪ କୋଟି ଟଙ୍କା ସିଲିକନ ଭ୍ୟାଲି ବ୍ୟାଙ୍କରେ ଫସିରହିଛି ।