ଲଦାଖ୍ ସୀମାରେ ସେନାର ବଡ ଧରଣର ସମରାଭ୍ୟାସ୍ । ସୀମାରେ ମୁତୟନ ହେଲା ଅତ୍ୟାଧୁନିକ ଟ୍ୟାଙ୍କ ଓ ସାଞ୍ଜୁଆ ଯାନ
କନକ ବ୍ୟୁରୋ : ସୀମାରେ ଭାରତ ଚୀନ୍ ମଧ୍ୟରେ ତିକ୍ତତା ବଢିବାରେ ଲାଗିଥିବା ବେଳେ ଚୀନକୁ ଭାରତ କଡା ଚେତାବନୀ ଦେଇଛି । ପୂର୍ବ ଲଦାଖରେ ଆରମ୍ଭ ହୋଇଛି ଭାରତୀୟ ସେନାର ବଡ ଧରଣର ସମରାଭ୍ୟାସ୍ । ସୀମାରେ ମୁତୟନ ହେଲା ଅତ୍ୟାଧୁନିକ ଟ୍ୟାଙ୍କ ଓ ସାଞ୍ଜୁଆ ଯାନ ।
Kanak News is now on WhatsApp
Join and get latest news updates delivered to you via WhatsApp
ଭାରତ ଚୀନ୍ ସୀମାରେ ଅପ୍ରିତିକର ପରିସ୍ଥିତିକୁ ମୁକାବିଲା କରିବା ପାଇଁ ପୂର୍ବ ଲଦାଖ ସେକ୍ଟରରେ ନୂଆ ଅସ୍ତ୍ରଶସ୍ତ୍ର ଜମା କରୁଛି ଭାରତ । ମିଳିଥିବା ରିପୋର୍ଟ ଆଧାରରେ, ଭାରତରେ ନିର୍ମିତ ଧନୁଷ’କୁ ସୀମାରେ ମୁତୟନ କରାଯାଇଛି । ଏହି ଟ୍ୟାଙ୍କରର ରେଞ୍ଜ୍ ପ୍ରାୟ ୪୮କିଲୋମିଟର ରହିଛି । ୪୮କିଲୋମିଟର ରେଞ୍ଜରେ ଆସୁଥିବା ଶତ୍ରୁର ଟ୍ୟାଙ୍କର, ବଙ୍କର ଏବଂ ଅନ୍ୟାନ୍ୟ ଅସ୍ତ୍ରଶସ୍ତ୍ରକୁ ନିମିଷକରେ ଧୁଳିସାତ୍ କରିଦେବ ଧନୁଷ’ । କେବଳ ଏତିକି ନୁହେଁ, ଆଉ ଏକ ଭରତ ନିର୍ମିତ ଅତ୍ୟାଧୁନିକ ଅସ୍ତ୍ର ଏମ୍-୪ କ୍ୱିକ୍ ରିଆକସନ୍ ଫୋର୍ସ ଭେହିକିଲ୍ ବି ଏଥିରେ ସାମିଲ କରାଯାଇଛି । ଏହି ଗାଡି ସୈନ୍ୟଙ୍କୁ ଗୋଟିଏ ସ୍ଥାନରୁ ଅନ୍ୟ ଏକ ସ୍ଥାନକୁ ଖୁବ୍ ଶୀଘ୍ର ସ୍ଥାନାନ୍ତର କରିବାର କ୍ଷମତା ରଖିଛି । ସୀମାରେ ଭାରତ ନିର୍ମିତ ଆଉ ଏକ ଅତ୍ୟାଧୁନିକ ଅସ୍ତ୍ର ବି ସାମିଲ କରାଯାଇଛି । ଶତ୍ରୁ ଉପରେ ନଜର ରଖିବା ପାଇଁ ଟାଟା ରଜକ୍ ସିଷ୍ଟମକୁ ମୁତୟନ କରାଯାଇଛି । ଏହି ସିଷ୍ଟମ୍ ୨୫କିଲୋମିଟର ଦୂର ଯାଏ ଶତ୍ରୁ ଉପରେ ନଜର ରଖିପାରିବ । ଆଉ ସେନାକୁ ଆଲର୍ଟ କରିବ । ଏହାସହିତ ଭାରତ ନିର୍ମିତ କେ-୯ ବଜ୍ର ସ୍ୱଚାଳିତ ବନ୍ଧୁକ ମୁତୟନ କରାଯାଇଛି । ସୀମାରେ ଚୀନକୁ ଜବାବ୍ ଦେବା ପାଇଁ ଭାରତୀୟ ସେନା ସମ୍ପୁର୍ଣ୍ଣ ପ୍ରସ୍ତୁତ ହୋଇ ରହିଛି