ଦୁଇବନ୍ଧୁଙ୍କ ପ୍ରେରଣାଦାୟୀ କାହାଣୀ : ପାଠପଢା ସହ ହୋଇଛନ୍ତି ସ୍ୱାବାଲମ୍ବୀ; ଜୁସ ବିକି କରୁଛନ୍ତି ରୋଜଗାର, ପଢୁଛନ୍ତି ପାଠ
କନକ ବ୍ୟୁରୋ : କଥାରେ ଅଛି ଇଛା ଥିଲେ ଉପାୟ ଆପେ ଆପେ ଆସେ । ଗଞ୍ଜାମ ଜିଲ୍ଲା ଭଞ୍ଜନଗରରୁ ଅସିଛି ଏଭଳି ଏକ ପ୍ରେରଣାଦାୟୀ କାହାଣି । ଆମେ ଆପଣଙ୍କୁ ଏଭଳି ଦୁଇ ବନ୍ଧୁଙ୍କ ବିଷୟରେ କହିବୁ ଯେଉଁମାନେ ପାଠପଢା ସହ ସ୍ୱାବଲମ୍ବୀ ହୋଇ ଅନ୍ୟମାନଙ୍କ ପ୍ରେରଣା ପାଲଟିଛନ୍ତି । ଏଭଳି କରି ଦେଖାଇଛନ୍ତି ଭଞ୍ଜନଗରର ବ୍ଲକ ଟାଙ୍ଗଣ ଗ୍ରାମର ବାସିନ୍ଦା କାଳିଆ ପ୍ରଧାନ ଓ ସୂରଜ ବେହେରା ।
Kanak News is now on WhatsApp
Join and get latest news updates delivered to you via WhatsApp
କାଳିଆ ନିଜ ପାଠପଢା ସରିବା ପରେ ରେଳବାଇ ପରୀକ୍ଷା ପାଇଁ ପ୍ରସ୍ତୁତି ଚଳାଇଥିବା ବେଳେ ସୁରଜ ଡିପ୍ଲୋମା ସାରି ଇଞ୍ଜିନିୟରିଙ୍ଗରେ ଡିଗ୍ରୀ କରିବାକୁ ପ୍ରସ୍ତୁତ ହେଉଛନ୍ତି । ପାଠପଢା ସହ ସେମାନଙ୍କ ପଢାଖର୍ଚ୍ଚ ଉଠାଇବା ପାଇଁ ଭଞ୍ଜନଗର ମୁଖ୍ୟ ବସଷ୍ଟାଣ୍ଡରେ ଏକ ଜୁସ ଦୋକାନ ଖୋଲିଛନ୍ତି । ସେଠାରେ ଲୋକଙ୍କୁ ସ୍ୱାସ୍ଥ୍ୟ ବିଷୟରେ ସଚେତନ କରାଇବା ସହ ବିଭିନ୍ନ ପ୍ରକାରର ଜୁସ ବିକ୍ରି କରୁଛନ୍ତି । ଦିନରେ ୪ରୁ ୫ଘଣ୍ଟା ଦୋକାନ ପାଇଁ ସମୟ ପାଇଁ ଦେଉଥିବା ବେଳେ ବଳକା ସମୟ ପାଠପଢାରେ ବିତାଉଛନ୍ତି ଉଭୟ ମେଧାବୀ ଛାତ୍ର ।
ବ୍ରହ୍ମପୁରରେ ଏକ ପରୀକ୍ଷା ଦେବାକୁ ଯାଇଥିବା ବେଳେ ପରୀକ୍ଷା କେନ୍ଦ୍ର ଆଗରେ ଏକ ଜୁସ ଦୋକାନ ସେମାନଙ୍କୁ ରୋଜଗାରର ବାଟ ଦେଖାଇଥିଲା । ଏହି ଦୋକାନରେ ମାଣ୍ଡିଆ , କଲରା, ବିଟ୍, ଲେମ୍ଭୁ ଓ ବେଲପତ୍ର ଜୁସ ବିକ୍ରୀ କରୁଥିବା ବେଳେ ସକାଳୁ ସକାଳୁ ଗ୍ରାହକଙ୍କ ଭିଡ଼ ଜମିଥାଏ । ଏସବୁ ସ୍ୱାସ୍ଥ୍ୟକର ଜୁସ୍ ଲୋକଙ୍କ ଦ୍ୱାରା ବେଶ ଆଦୃତ ହୋଇପାରିଛି ।